تعالى نكتب قصة قصيرة
في البداية طبعاً لازم أوضح أن الموضوع ده للشباب كلهم اللي بيكتبوا قصة قصيرة و لسه في مرحلة الهواية لا الإحتراف.
و كلنا هنا أعتقد مجرد هواة, مش محترفين, علشان كده لازم يكون لينااستثناءات و لما نعدي أول سلمة و تاني و تالت و رابع واحدة يبقى كدهمطالبين أمام الرأي العام العالمي باننا نلتزم بالقواعد الأساسية الصحيحةللقصة.
أهم حاجة دلوقتي أن احنا نتفق على معنى القصة أتفاق بينا و بين بعض هنا فيالمنتدى و بعيداً عن الكلام المكلكع اللي وجعوا دماغنا بيه في ثانوي.
القصة ما هي إلا حكاية – جبت الديب من ديله يا واد – حكاية لموقف أو أحداث متتابعة في نطاق زمني عادة ما يبقى محدد و قصير , و مفيهاش أشخاص كتير – يعني لو 4 أو 5 أشخاص يبقى كده كتير قوي – و كمان ما تبقاش متشعبة .
و ممكن قصة قصيرة كاملة تعبر عن موقف أنساني محدود للغاية , و ممكن برضوا تستمر لأيام مع الحفاظ على الترابط و عدم التشتيت.
بكده نكون وصلنا بتعريف القصة لأسهل حاجة ممكنة و بعد كده ندخل على شوية نقط مهمة.
• اللغة:في القصة حاجة من اتنين عامية تانية أو فصحية تامة, و لكن ممكن استخداماللغة العامية في كتابة حوار القصة الفصيحة, و ممكن برضوا بعض الكلام الليما ينفعش يتم استبداله بفصيح.... أما كون القصة فصيحة في عامي ... فدهبيبقى غير مقبول للقارئ العادي عموماً ... بتأذي الأذن.
• الفكرة: دي أهم حاجة في القصة, و ما تحاولش تكتبها بالعافية أو تجبرها أنهاتتجمع في عقلك ... لأ و ألف لأ ... سيبها تيجي في دماغك لوحدها و تتخللهناك شوية و ما تجربش تكتبها على طول ... دونها "كفكرة" في ورقة لحد ماتستوي في دماغك و تحس أنك ملكتها.
• الأحداث : بقدرالأمكان بعدما جت في دماغك الفكرة و استوفيت جوانبها حاول تبني الأحداثعليها بمنطقية تامة , و أكيد لازم أي فكرة بيبقى فيها مشكلة و دي بنسميهاالعقدة اللي كانت السبب في القصة كلها.
• خد بالك كويس قوي من الأسلوب اللي هتكتب بيه, يعني مش قصة تراجيدي وكئيبة و كله بيعيط و تزكر ورود حمرا و شموس مشرقة و ناس بتاكل لحمة... ولا مثلاً قصة فكاهية تعمل داخل الموقف المضحك نكد زيادة عن اللزومو تحطكمان دماااء و بشاعة.
• القصة كهاوي أنت كاتبها علشان تستمتع و تمتع غيركفطبيعي في البداية مش هتبقى متحكم في أدوات الإيجاز و التكثيف و خلافه ..علشان كده – في البداية – أكتب زي ما أنت عايز بس بلاش الإسهاب المبالغفيه.
حاجة مهمة في رأيي ... حاول ماتبقاش سوداوي متشائم, أملى كتاباتك تفائل ... السوداوية مش بتفيد و خاصةلما تناقش بيها قضايا المجتمع .... لكنها بتزيد الإحباط على عكس التفائل.... أدي أمل للقارئ في غد مشرق .. مهما كان جواك من حزن حاول ما يأثرشعليك و بالتالي برضوا ما تبقاش سلبي في كتاباتك و لكن خليك دعزة صريحةللإيجابية.
• أوعى تتسرع و تكتب مثلاً و أنت متضايق من الكتابة ... لما تكون عايزتكتب أقعد اكتب ... و لما تلاقي نفسك مش قادر تكتب ما تجبرش عقلك أنه يكتبو هو مش مستعد ... الفكرة بكده هتبقى سخيفة و القصة بايخة من حيث الفكرة والأسلوب و الأحداث.
• بعد ما تخلص بإذن الله القصة ما تجريش و تبيضها... لأ ... سيبها فترة كويسة لحد ما تحس أنها كده أفضل حاجة عندك في الوقتالحالي ... مع العلم , شوية و هتقول " ايه اللي أنا كاتبه ده !!!! " ... وهتعدل في قصتك للأفضل .
• القصة الممتازة تاخد على الأقل 4 أسابيع ... أسبوع كامل تيجي فيه الفكرةو تبني فيه الأحداث .... اسبوع تكتب فيه واحدة واحدة .... أسبوع تراجع فيهكل دقيقة اللي كتبته ... اسبوع تبيضها فيه
موضوع: تعالى نكتب قصة قصيرة 
الأحد 21 نوفمبر 2010 - 20:08
