موضوع: حملة تنظيف شوارع كفر الشيخ الأربعاء 16 فبراير 2011 - 3:17
حملة تنظيف شوارع كفر الشيخ
بسم اللّه الرحمن الرحيم
حملة تنظيف شوارع كفر الشيخ .... تحت شعار ... فخور إني بنظّف بلدي ... وده لو دل علي شيء ... يدل علي كم الحماسه اللي موجوده جوّه الناس ... ورغبتهم الشديده في النزول للشارع والدخول في المراحل العمليّه والنزول للشارع في أقرب وقت
إمتي الحمله ؟؟ يوم الخميس بعد صلاة العصر
طيب هنعمل إيه ؟؟ هننضف شوارع كفر الشيخ ... طبعا مش كلّها ... أدام المحافظه ... والخليفه والنبوي ... وشارع الإستاد
طيب فيه شكل عام لينا أو يونيفورم أو حاجه ؟؟ اه هنقترح لبس كلّنا نلبسه ... أبيض في أسود مثلا ... وكل واحد هيحط ورقه علي التيشرت مكتوب عليها .... فخور إني بنضّف بلدي
طيب وبعد كده ؟؟ هنتصوّر كلّنا صوره جماعيّه طبعا لأنه حدث جديد علينا وعلي مجتمعنا ... وعشان نمثّل في نفسنا القدوه لكل الناس ... وعشان نفتكر كلّنا اليوم ده حتّي بعد 100 سنه ... وبعد ما نتصور ... هنقف دقيقه حداد علي روح الشهداء ... وهنردد بصوت عالي كلنا ... نشيد بلادي بحيث نسمع كل الناس اللي في الشارع .. وبعدها نكون خلّصنا الحمله بتاعة الإسبوع ده ونحدد الميعاد التاني للحمله
طيب هو البنات ممكن تشارك ولا رجّاله بس ؟؟ اه طبعا البنات ليها دور معانا ... وده بيعتمد علي العدد ... يعني لو كان عددهم قليّل ... هنخليهم همّا المختصّين بالدعايه ورفع الصور ... وإنهم يصوروا الناس الي بتنضّف ويرفعوا الصور والفيديوهات هنا أما لو كان عددهم كبير ... فهما ممكن ينزلوا معانا عادي جدّا والفكره كلّها إنهم يكونوا موجودين مع بعدد عدد .. يشيلوا الخجل من بعضهم .. ويبقا شكلنا كويّس أدام كل الناس .. وطبعا هيكون دورهم أخف من الرجاله برضه بالتنسيق مع بعضنا طبعا وأهم حاجه للبنات ... إنهم يجمّعوا بعضهم
طيب فيه جهات أو أي تنظيم هتشارك في الحمله دي ؟؟ فيه حاجه مهمّه جدا معظم الناس موافقه عليها ... إننا نكون بنعمل كده كمصريّين .. يعني بدون أي إنتماء لأي حزب أو جهه ... عشان كده طبعاالباب مفتوح لأي حد يشارك بس بشرط واحد ... عدم وجود أي شعار سياسي أو ديني ... عشان منحرمش أي حد من الشرف ده ... يشارك مسلم علي راسي ... مسيحي تحت أمره ... كلنا مصريّين ... وفيه جمعيات خيريّه هتشارك معانا بنفس الشرط
طيب فيه تفاصيل معينه أو توقيتات معينه عشان نتواصل مع بعض ؟ اه طبعا بكره إن شاء الله هنبتدي ... هنعمل مسح للكام شارع دول ونشوف فين صناديق الزباله وهمّا كام واحد وكده وفي نفس اليوم اللي هوا بكره ... هنكون جمّعنا أسامي الناس اللي جايّه ... وهنوزّع نفسنا علي المناطق وعلي الأدوار اللي نحب نعملها ... نكنس أو نلم الورق اللي في الشارع .. ويوم الأربعاء بالّليل هنقول علي كلّ التفاصيل ... يونيفورم لونه إيه وهنتجمّع إزاي وهيكون كل واحد بالإيم عارف هيروح فين ومطلوب منّه إيه
الدعوه نقلا عن ايفينت على الفيس بعنوانحملة تنظيف شوارع كفر الشيخ
عدل سابقا من قبل MaI في الأربعاء 16 فبراير 2011 - 3:26 عدل 1 مرات
MaI كفراوي اصيل
تاريخ التسجيل : 26/10/2010
العمر : 31
موضوع: رد: حملة تنظيف شوارع كفر الشيخ الأربعاء 16 فبراير 2011 - 3:23
تمت فعاليات اليوم الاول بتجميل وتنظيف شوارع تقسيم المحافظة ومازالت الفعاليات مستمره علي التوازي وغدا الاربعاء 16/2/2011 موعدنا مع شارع عبد الهادي راضي ( شارع الاستاد ) اللي يحب يشارك موعدنا عقب صلاة العصر مباشرة في مسجد الاستاد ابني بلدك .. ايدك في ايدينا نبني بلدنا .. اماطة الأذي عن الطريق صدقة
KoKY كفراوي اصيل
تاريخ التسجيل : 19/10/2010
موضوع: رد: حملة تنظيف شوارع كفر الشيخ الأربعاء 16 فبراير 2011 - 5:01
السي إن إن : لأول مرة نرى شعبا يقوم بثورة ثم ينظف الشوارع بعدها
بجد يامي حاجه جميله اوي وليها حق السي ان ان تستغرب ان في ناس زينا بيعملوا ثوره وبعدين ينضفوا الشارع بجد حاجه قمه ف الجمال..تسلمي ياجميل يارب
JASMEN كفراوي اصيل
تاريخ التسجيل : 10/11/2010
موضوع: رد: حملة تنظيف شوارع كفر الشيخ الأربعاء 16 فبراير 2011 - 12:41
حاجه فعلا حلوه اووووووووي صحيح دي تقريبا اول مره حد يقوم بالثوره وبعدين ينضف مكانه ياريت كنا شاركنا فيها بجد تسلمي يا مي علي الخبر ده
MaI كفراوي اصيل
تاريخ التسجيل : 26/10/2010
العمر : 31
موضوع: رد: حملة تنظيف شوارع كفر الشيخ الأربعاء 16 فبراير 2011 - 20:10
KoKY كتب:
السي إن إن : لأول مرة نرى شعبا يقوم بثورة ثم ينظف الشوارع بعدها
بجد يامي حاجه جميله اوي وليها حق السي ان ان تستغرب ان في ناس زينا بيعملوا ثوره وبعدين ينضفوا الشارع بجد حاجه قمه ف الجمال..تسلمي ياجميل يارب
هى فعلا حاجه حلوه اوى والفكره هنا بجد اننا فرحانين بجد وحاسين ان دى بلدنا بلدنا احنا نفسنا نخليها احلى تسلمى يا كوكى نورتى التوبك
MaI كفراوي اصيل
تاريخ التسجيل : 26/10/2010
العمر : 31
موضوع: رد: حملة تنظيف شوارع كفر الشيخ الأربعاء 16 فبراير 2011 - 20:15
JASMEN كتب:
حاجه فعلا حلوه اووووووووي صحيح دي تقريبا اول مره حد يقوم بالثوره وبعدين ينضف مكانه ياريت كنا شاركنا فيها بجد تسلمي يا مي علي الخبر ده
كلنا على استعداد نعمل اى حاجه بجد دى بلدنا انا هنزل برضه انضف الشارع وبجد فرحانه اوى ببلدنا ميرسى يا ياسمين نورتى التوبك
موضوع: حملة تنظيف شوارع كفر الشيخ 
الأربعاء 16 فبراير 2011 - 3:17
