انجازات الثوره

كفراوي اصيل تاريخ التسجيل : 19/10/2010

نقلا عن وائل غنيم

[1]تنحي الرئيس محمد حسني مبارك استجابة لمطالب الشعب

[2] فشل مخطط التوريث اللي كان شغال عليه جمال مبارك مع لجنة السياسات

[3]إنتهاء الحزب الوطني اللي كان بيسرق البلد بعد حل لجنة السياسات واستقالة حسام بدراوي منه

[4] إقالة مش بس حبيب العادلي .. لأ كمان أحمد نظيف ووزارته اللي كان أغلب الوزراء فيها فاسدين وعندهم تضارب مصالح

[5]إلغاء حالة الطوارئ بمجرد استقرار حالة البلاد

[6] كسر حاجز الخوف عند المصريين وظهور ثقافة الاحتجاج

[7]حالة الحب والوحدة اللي عشناها كلنا في ميدان التحرير بين كل المصريين بغض
النظر عن دينهم أو سنهم أو جنسهم أو ثقافتهم أو تعليمهم أو وظائفهم أو
مستواهم الاجتماعي .. كلنا كنا مصريين

[8]الحضارة .. بلد نزل فيها في المظاهرات أكتر من 10 مليون ومات 300 واحد فقط تبقى ثورة سلمية مش دموية

[9]أعدنا اكتشاف شجاعة الرجل المصري اللي كان بينام عشان يوقف دبابة ويقف قدام
مدرعة ويمنع عشر عساكر أمن مركزي بنفسه من إنهم يهجموا على الشباب ..
الرجالة اللي كانت بتشيل اخواتها اللي انضربوا بالرصاص .. الرجالة اللي
وقفت ضد المجرمين بتوع موقعة الجمل .. وغيرهم كتير

[10] نهاية عصر الاعلام المضلل الموجه لخدمة النظام .. الاعلام الحكومي المصري بقه حر
وأنس الفقي قاعد في بيتهم في إقامة جبرية بعد إقالته من منصبه كوزير
للاعلام

[11]البدء في فتح ملفات الفساد وتحويل بعض رجال الأعمال الفاسدين للنيابة

[12]التعديلات الدستورية المقترحة اللي هيتم التصويت عليها قريب وبتضمن إن الرئيس ميبقاش
في الحكم أكتر من مدتين وبتشيل القيود على ترشيح الرئيس وبتحد من سلطانه

[13]الاعتراف بقوة الشباب المصري اللي دلوقتي بيقعد مع كبار المسؤولين ويعبروا عن أحلامهم

[14]حل مجلس الشعب والشورى

[15]إعلان الجيش أنه سيفرج عن كافة المعتقلين السياسيين ومساجين الرأي في مصر

ولو في زياده ياريت تكتبوها...

» انجازات مبارك --- هامه جدا