موضوع: التحرير .. التحرير الأربعاء 2 فبراير 2011 - 16:00
التحرير .. التحرير
أوّلًا إمبارح والنهارده وَضَح جدًّا إن فيه ناس كتير أوي للأسف مش فاهمين إيه اللي حَصَل في ميدان التحرير من يوم التَلات 25 يناير لحَد النهارده، وإليكُم شهادة شاهد عَيان على الأحداث جميعُها..المُتظاهرين اللي نزلوا ميدان التحرير في الأيّام التمانية اللي فاتوا عرفوا لأوّل مَرّة في حياتهُم إننا شعب قادر على التَوَحُّد، قادر على إنُّه يشبك إيديه في بعض، قادر على إنُّه يطالب بحقوقه. المصريين اللي اعتصموا في ميدان التحرير ساندوا بعض وكلوا مع بعض وشربوا مع بعض واتّفقوا مع بعض على إنُّهُم عايزين حُريّة وكرامة ووطن .. عايزين حياة أحسن.المُتظاهرين اللي كسبوا معركتهُم ضد الشُرطة "المُكافحة للشَّعب" اللي كانت بتنهال عليهُم بسيل لا يَنضُب أبدًا من القنابل المُسيلة للدموع (قنابل اشترتها الحُكومة بفلوسهُم) يوم الجُمعة 28 عرفوا يعني إيه إرادة الشّعب.. عرفوا يعني إيه إن اللي لُه حَق لازم يبقى قوي وهو بيدافع عَنُّه ويطالب بيه مهما كانت الخسائر.المُتظاهرين اللي طالبوا بحقوقهم، هُمّ اللي كسبوا للشعب المصري كرامتُه المُهدرة عبر السنين الطويلة من أجهزة الأمن اللي المفروض بتحميه.المُتظاهرين اللي نزلوا التحرير يطالبوا بحَقُّهُم حموا مصر من خَطَر توريث حُكمها زي ما تكون عزبة. خلّوا رئيس الجمهورية اللي ماحدّش كان يحلم طوال 30 سنة إنُّه يعيّن نائب، يعيّن نائب. المُتظاهرين اللي رفضوا يعيشوا طول عُمرُهُم أذلّاء للنظام اللي بيحكُمهُم خلّوا رئيس الجُمهورية يقول في خطابُه إنه بيَدعو الشُرطة لحماية أمن الوطن والمُواطنين مع حفظُه لاحترامهُم وكرامتهُم. خلّوا رئيس الجمهورية يقول جُملة أجهضها وزيرُه من سنين، أن الشُرطة في خدمة الشّعب وطلعت الجُملة دي تُحمَل على محامل عديدة..المُتظاهرين في ميدان التحرير في يناير 2011 خلّوا لأوّل مَرّة من سنين طويلة الشعوب العَربيّة كُلّها تبعت رسائل لكُل القنوات تُشيد بمصر وبكرامة وعِزّة الشعب المصري القوي البطل بعد ما كانوا بيَحتقرونا.المُتظاهرين المُطالبين بحقوقهُم هُمّ اللي علّموا مصر إن عندها لسان وصوت وقلب، هُمّ اللي خدوا الحَق للي نازلين يهتفوا بإسم النّظام انّهُم ينزلوا يهتفوا، عشان النّظام عَندُه قانون بيمنَعهُم من التَجَمُّع أصلًا.. "انتو ماتتجمّعوش انتو تتفرّقوا حتت حتت عشان ناكُلكوا ونتغدّى ونتعشّى ونحلّي بيكو".(بدأوا شُرفاء يُطالبون بحقوقهُم المَشروعة وبعدين اندَس في وسطهم الشياطين، هكذا قال ويقولون. مافيش شياطين في وسطنا ، الشياطين كٌلّها برّاناالحرامية والمُخرّبين إحنا ماشُفناهُمش، بس الشرطة عارفة مكانهُم وتقدر تمسكهُم بس سابونا إحنا اللي نُقف نُحرس بيوتنا طول الليل، عشان نتربّى ونعرف قيمُتهُم كإنّهم بيَتَجَبُّوا علينا بإنّنا عندنا شُرطةقُصاد بَقَه اللي أنجزُه المُتظاهرين في أيام قُليّلة إليكُم ما فعل بهم النّظام اللي منكو دلوقتي كتير من يُصَدّقُه و يُساندُه ويَهتف بحياتُه في الشارع ويدعو المُطالبين بحقوقهُم إلى كَف أيديهُم عن النّظام إللي بيَعتَقدوا انُّه خلاص إدّانا كُل ما كُنّا نَطلُب.وهُمّ المُتظاهرين بيحاولوا يكسبوا حقوقهُم المَشروعة والمسلوبة منهُم طول عُمرُهم، النّظام بإعلامُه الحكومي الكاذب قَعَد يقنع الناس في البيوت ان المُتظاهرين دول بيسببوا خراب الوطن وهُم ناس كانوا مليانين حُب للوطن ولبعض. ناس مابدأوش أي عُنف حتّى مع الشُرطة بل كُنا بنمشي ناحيتهُم رافعين إيدينا لفوق وبنهتف "سلمية سلميّة" ومع ذلك برضه كانوا بيضربونا بكُل قسوة مُمكنة. النّظام لمّا لقى من يتَعَلّمون بأنفُسهُم كيف يُطالبون بحقوقهم، سَحب قوّات الشُرطة من مواقعهُم في الشوارع وساب عليهُم المساجين ورفع إيدُه عن الغلابة الجعانين "ضحايا نفس النّظام" عشان يسرقوا محلّات وبنوك وبيوت فيرجعوا النّاس من المُظاهرة عشان يحموا بيوتهُم فتتفَض المُحاولة الآثمة للمُطالبة بالحقوق، عشان إحنا عندنا هنا مافيش حقوق، مافيش تطلُب، فيه تخرس وتُكبَت وتُقهَر وتسكت وتموت وانت ساكت. النّظام اللي فيه منكو من يُصَدّقونُه حاول يعزل مصر عن العالم وقطع الإنترنت والتليفونات ليؤكّدوا إستمرار عصور الظلام. النظام الفاسد اللي طول عمره يعد ولا يفي لا يمكن الوثوق فيه.. النظام اللي عايز يفرّقنا وبيكذب علينا وبيرعبنا عشان مانطالبش بحقّنا تاني، النظام اللي دلوقتي حالًا منزّل بلطجية بسيوف وسكاكين وفيه منهُم معاهُم كارنيهات شُرطة، وخيل وجمال في ميدان التحرير! وعربيّات نَقل مليانة طوب في ميدان التّحرير!! عشان يضربوا المتظاهرين تاني، مش حيصلّح حاجة وحيستغل الوقت عشان يضيّع المطالب هباءً بحيَله اللي مابتخلصش. النظام اللي قوّم الناس في البيوت "بكذبه" في الإعلام الكذّاب بتاعُه على "الرجّالة" اللي بيطالبولهُم بحقوقهم اللي عمرهم ما قدروا يطلبوها، نظام عُمر ما جه من وراه خير ولا حييجي.هُمّ عارفين كويّس إحنا عايزين إيه، وعارفين كويّس إنُّه حقّنا ويقدروا في دقيقة واحدة يُنقذوا مصر من اللي هيّ فيه دلوقتي بس هُمّ مش عايزين، عايزين مَصلَحتهُم بس، عايزين نَفسُهُم بسلو ماتخلّصناش من رموز النظام اللي بيساندوه هو بس ومايهمّهمش ولامصر ولا المصريين مافيش حاجة حتتغيّر، شويّة أسامي وبس. لو ماكَسَرناش شوكة النّظام اللي بيهدّدنا ببعض وبيخلَينا نمسك في بعض ويُقعُد يتفرّج علينا نبقى عُمي ومابنشوفش.. لو ماخدناش الحق في انتخابات تحت إشراف دولي وقضائي بالبطاقة الشخصية نبقى ماخدناش حاجة، لو ماتحاكموش اللي أراقوا دماء المصريين حمايةً للنظام وخيانةً للمواطنين والوطن حيعملوا كده تاني، لو قانون البَطش والقهر المُسمّى بقانون الطوارئ ماتلغاش نبقى حنفضل للأبد محكومين بالحديد والنّار والكلاب، ماتخلّوش خطّتهم انّهم يخلّونا نضرب في بعض تنجح. ماتضيّعوش المكاسب اللي كسبناها واتلمّوا على بعض وطالبوا بحقوقكو اللي عمرُهُم ما حيدّوهالنا، والله ما عايزين يدّونا حاجة.. إصحوا بَقَه..أنا امبارح بعد الخطاب كُنت بالرّغم من إحباطي وخوفي حَسكُت وأستنّى وبعدين أشوف حيحصَل إيه، كُنت بهدّي النّاس واحاول أقولُّهم إن احنا ضمانتنا إننا حناخُد اللي احنا عايزينُه هُو إننا خلاص عرفنا طريقنابس للأسف صحيت الصُبح لقيت النّظام باعتلي رسالة قوية إنُّ ماعندوش أي نيّة حقيقية للتغيير وصحيت لقيتهُم بيثبتولي لمرّة أتمنّى من كُل قلبي أن تكون الأخيرة، إن حَقّي أنا اللي لازم آخدُه.وإلى الله يرجع الأمر
أحمد العسيلى
عدل سابقا من قبل MaI في الأربعاء 2 فبراير 2011 - 18:39 عدل 1 مرات
JASMEN كفراوي اصيل
تاريخ التسجيل : 10/11/2010
موضوع: رد: التحرير .. التحرير الأربعاء 2 فبراير 2011 - 17:05
فعلا البلد مش تستاهل اي حاجه من دي سواء كان شعب او نظام
بس انا مش معاكي يا مي بصراحه الرجل دا كتر خيره بجد طيب انا مش فاهمه انتم عايزين ايه اكتر من اللي حصل كفايه بقي عارفه يعني ايك تبقي قاعده في البيت وخايفه في اي وقت ان اي حد يدخل عليكي ويهددك باي حاجه؟؟؟؟؟؟؟؟؟ احنا عمرنا ما كنا كده ومش ينفع نبقي كده خالص الريس ليه حق علينا برضه قدري 30 سنه خدمه لينا فعلا مش يستحق ان احنا نعامله بالطريقه دي وكمان مش في يوم وليله تقوليله يمشي ويتنازل عن الحكم مش ينفع خااااااااااااالص
طيب نديله فرصه نشوف هما هيتغيروا ولا لا وزي ما انتي بتقولي هما عارفين كويس احنا عايزين ايه هما كمان عرفوا ان احنا مش هنسكت تاني فاكيد هيهتموا بحاجه زي دي وعرفوا مطالبنا ايه وهينفزهوا اكيد ازاي يا بنتي تقولي ان هما مش يهمهم مصر ولا حاجه لا طبعا كلنا عارفين كويس ان مصر مش شويه خالص في الوطن العربي لامش في الوطن العربي دا في العالم كله
كمان مش في حد كان متوقع انه يعين نائب للرئيس وكمان تعديل الدستور وكمان الغاء التوريث وكمان مجلس الشعب
طيب احنا عايزين ايه اكتر من كده؟؟؟؟؟؟؟؟؟؟ كفايه بقي ؟؟؟؟؟؟؟؟؟؟؟
MaI كفراوي اصيل
تاريخ التسجيل : 26/10/2010
العمر : 31
موضوع: رد: التحرير .. التحرير الأربعاء 2 فبراير 2011 - 18:22
JASMEN كتب:
فعلا البلد مش تستاهل اي حاجه من دي سواء كان شعب او نظام
بس انا مش معاكي يا مي بصراحه الرجل دا كتر خيره بجد طيب انا مش فاهمه انتم عايزين ايه اكتر من اللي حصل كفايه بقي عايزين منه ايه! فى الأول كان المطلب هو التغيير فى النظام ككل ويكفى ثلاثون عاما وتم التجاهل المتعمد من قبل النظام املا ان يقوم الأمن بأنهاء تلك الثوره البيضاء واحالتها الى ثوره حمراء ولكن تم الرد بان الله فوق كل شىء حتى لو اجتمعوا جميعا علينا وبعدين لاحظنا تخبط فى القرارات فقد تم تدمير مركز صنع القرار لديهم فنجد قرارت مستفزه عنيده بها قدر كبير من عدم الحكمه وهذا ماشاهدناه جميعا من المحاوله على الألتفاف على المطالب كوسيله لكسب الوقت ليس اكثر وكما شاهدنا رفض الناس للحكومه الجديده ولأى احد من النظام واصروا على رحيله اكثر ولكن بعد ماحدث من انسحاب امنى ومن عدد يتخطى ال300شهيد اذن عند ذلك فكفى فتم الطلب بمحاكمته وبمحاكمه كل من كان له المسؤليه بهذه الجريمه البشعه عارفه يعني ايك تبقي قاعده في البيت وخايفه في اي وقت ان اي حد يدخل عليكي ويهددك باي حاجه؟؟؟؟؟؟؟؟؟ احنا عمرنا ما كنا كده ومش ينفع نبقي كده خالص كلنا يا ياسمين قضينا ايام صعبه جدا مليئه بالخوف وعدم الأمان بس مين كان السبب ومستحيل تكونى فاكره ان المظاهرات هى السبب بذلك فهذا يكون ظلم بين.. السبب هو تخليهم عن واجبهم وانسحابهم من الدفاع عن المواطينين فهذه خيانه عظمى وكأنهم يقولون لنا اختاروا بين حكمنا الظالم مع شعور زائف من الأمان وبين الحريه مع عدم الشعور بالأمان وزى ماقيل من بعضهم خلوا الجيش ينفعكوا الا تعلمين من اطلق سراح المجرمين والبلطجيه وزودهم بأسلحه الا تعلمين ان هناك الكثيرين ممن القى القبض عليهم كانوا من شرطه انا لا اتهم قطاع بأكمله ولكن جزء كبير منهم يجب ان يحاكم الريس ليه حق علينا برضه قدري 30 سنه خدمه لينا فعلا مش يستحق ان احنا نعامله بالطريقه دي وكمان مش في يوم وليله تقوليله يمشي ويتنازل عن الحكم مش ينفع خااااااااااااالص كان ليه حق وسقط مع موت المئات من الشهداء انت لا تعرفين مدى الكارثه الذى كان هو سببها طيب نديله فرصه نشوف هما هيتغيروا ولا لا 30!سنه مكنتش فرصه كافيه لو مكنش يعرف الفساد اللى بيحصل زى مابيقولوا وتفاجأ فهذه كارثه اكبر مع العلم ان هذا مستحيل وخلينا نتفق على حاجه وهيا عدم الثقه بالنظام وبالوعود انا امبارح بعد الخطاب فرحت وخفت فرحت لأن كان عندى رغبه فعلا فى تصديقهم وخفت من كونها وعود فقط وهذا ما اثبت لنا اليوم بعد نزول الكثير من انصاره من الحزب الوطنى وغيرهم من البلطجيه بأسلحه بيضاء يقتلون بها المتظاهرين فمن وجههم وكيف سمح لهم الجيش بالدخول انا لا انكر ان هناك ناس تأثرت بالخطاب ونزلت عشانه ولكنى لا اتكلم عن هؤلاء فى خيول وجمال نزلت واحجار تبث الرعب فى المتظاهرين المصابين اكتر من 350الناس بتموت حرام اللى حصل النهارده واللى حصل جريمه لاتغفر وزي ما انتي بتقولي_تنبيه بسيط مش انا اللى كاتبه المقال وقد اوضحت ذلك_ هما عارفين كويس احنا عايزين ايه هما كمان عرفوا ان احنا مش هنسكت تاني فاكيد هيهتموا بحاجه زي دي وعرفوا مطالبنا ايه وهينفزهوا اكيد ازاي يا بنتي تقولي ان هما مش يهمهم مصر ولا حاجه لا طبعا كلنا عارفين كويس ان مصر مش شويه خالص في الوطن العربي لامش في الوطن العربي دا في العالم كله
كمان مش في حد كان متوقع انه يعين نائب للرئيس ازاى محدش متوقع ياياسمين ماقبل 25يناير مختلف عما بعد25يناير فهو مجبر فهذا حقنا فهو مضطر وكمان تعديل الدستور مين هيغير الدستور مجلس شعب مزور كل مايحدث هو تلاعب فى الألفاظ قد يكون التعديل للأسوء وليس للأفضل وكمان الغاء التوريث لم يحدث ذلك فلم يستقل جمال مبارك بعد فمنصبه يتيح له ان يتقدم للأنتخابات ولم يرد بالخطاب شيئا من ذلك وكمان مجلس الشعب ازاى قبل الطعون وهل هذا بكفى على الأقل كان لغى قانون الطوارىء طيب احنا عايزين ايه اكتر من كده؟؟؟؟؟؟؟؟؟؟ عايزين الكثير ولكن المطلب الأول والأخير حاليا هو حقن للدماء
كفايه بقي ؟؟؟؟؟؟؟؟؟؟؟ فعلا كفايه ولكن هذا الكلام يجب ان يوجه لمن يستحقه
عدل سابقا من قبل MaI في الأربعاء 2 فبراير 2011 - 18:38 عدل 2 مرات
Nana Afify عضو
تاريخ التسجيل : 05/12/2010
العمر : 33
موضوع: رد: التحرير .. التحرير الأربعاء 2 فبراير 2011 - 18:37
bgd kefaya ... ana te3bt walahy
MaI كفراوي اصيل
تاريخ التسجيل : 26/10/2010
العمر : 31
موضوع: رد: التحرير .. التحرير الأربعاء 2 فبراير 2011 - 18:47
موضوع: رد: التحرير .. التحرير الأربعاء 2 فبراير 2011 - 18:52
ameeeeeeeeeeeeeeeeeeeeeeeeeeeeeeeeeeeeeeeeeeeen
MiXoLoGY المدير العام
تاريخ التسجيل : 18/10/2010
العمر : 33
موضوع: رد: التحرير .. التحرير الأربعاء 2 فبراير 2011 - 19:01
أحييكي يامي علي النقط اللي انتى سردتيها في الموضوع واحنا دلوقتي بعد 8 أيام من ثورة المطالب اللي طلبها الشعب المصري وحابب اتكلم في نقط كلنا لازم نفهمها أولاً الثوره في اليوم الأول كانت سلميه جداً لحد بليل بس ناخد النقطه الايجابيه اننا مش شب همج وعمرنا ماهنكون شعب همجي انا وانا بتفرج علي قناة الجزيرة حاسس بفخر انهم مش عارفين يمسكوا غلطة واحده علي المظاهره الراقيه اللي حصلت دي عمرنا مكنا شعب متخلف بالعكس احنا كنا شعب راقي جداً ومظاهره متحضره جداً القنا بيها أفواه ناس كتير
ثانياً انا دايماً الحديث دا في دماغي (اذا فتح الله عليكم مصر بعدى فاتخذوا منها جندا كثيرا فهم خير اجناد الارض وهم فى رباط الى يوم القيامة ) اللي قام بالثوره شباب مصر مش أحزاب سياسيه ... اللي وقف في ميدان التحرير الشباب اللي قعدوا قالوا عليه شباب الشاليموه والفيس بوك والبنطلون الديرتي الشباب اللي قالوا انهم مش رجاله أهم وقفوا ووروا الناس كلها ان الشباب المصري لسه بخير وكلام الرسول صلي الله عليه وسلم ماكنش ليوم ولا اتنين دا للعمر كله يعني الثوره دي هتسكت ناس كتير اوووي وهيضطروا يفكروا كتير جداً قبل مايقولوا كلمة مش كويسه في حق الشباب المصري ( الجدعان اللي لسه مليانين شهامه )
ثالثا أكتشفنا اننا معندناش فتنه طائفيه بالعكس اللي حصل دا قرب نصري الامه مره تانيه من بعض واللي أكتر من كدا لو كان فيه فتنه في مصر كانت الكنائس والجواع انضربوا او اتفجروا وخصوصا ان الوقت دا بالذات أنسب وقت لان مافيش أمن علي الكنائس
رابعاً الجيش المصري سطر بشموخه و أحترامه لذاته وقوته تاريخ في وجدان الشعب المصري .. انا واحد من الناس اللي كنت مرعوب ان الجيش ينزل لانى كنت حاسس ان مصر هتصبح بركه من الدماء .. ولكن حمداً لله الجيش المصري اصبت انه فخر لكل المصريين اللي بنلجأله في جميع الأزمات ..
خامسااً : مصر مش هتبقي أمنه بالشرطه مصر هتبقي أمنه بشعبها واهلها انا واحد من الناس اللي صدفه رحت دمنهور وقعدت فيها اسبوع وكان لازم انزل احمي مع شباب لمنطقه البيوت والمحلات أكتشفت اد ايه اننا رجاله بنقف في وش اي جد والمسلم والمسيحي الاتنين واقفين مع بعض بيحموا بيوت بعض ... كنت بشوف أمهات و بيوت بينزلوا عشا لينا واحنا واقفين في الشارع ويمكن اللي نزلونا اكل دول لا نعرفهم ولا يعرفونا بس حسوا ان ولادهم بقوا رجاله ...
سادساً فهمت ان ناس كتير اوي بتصفي حسابتها في مصر علي حساب الشعب لما اشوف واحد زي البرادعي رجع بعد اربع ايام من النمسا وبيقول انا هقود المظاهرات ..طيب بأمارة ايه؟؟!! للأسف نزل من نظر المصريين جداً .
سابعاً الرئيس المصري الرائع محمد حسني مبارك حسسنا انه قائد عظيم .. كان ممكن بسهوله يسيب البلد ويهرب ويسبها والعه مدام كدا كدا ماش بس طلع راجل من رجال القوات المسلحه اللي مستحيل انهم يهربوا في المعارك
نيجي بقي نبص للمكاسب اللي احنا وصلنالها ...
1- مصر كسبت شعبها مره تانيه وكسبت رجالها وأطمنا علي مصر الي ابد الابدين
2- الجيش المصري لا خوف غلي مصر وهي تحت حمايته
3- الرئيس القوي اللي أتخذ قرارات في غاية الحسم اللي أتخذها
4- أتأكدنا ان مبقاش فيه توريث بعد استقالة جمال مبارك ووجود نائب لرئيس الجمهوريه
5- أستقاله حكومه فاشله
6- أنتقال السلطه بطريقة سلميه وأمنه
7- تغيير المواد اللي طالب الشعب بتغيرها
8- تحويل وزير التعذيب لمحاكمه العسكريه قد تصل الي محاكمته باللامي بالرضاص في ميدان عام
9- أصلاحات سياسيه واجتماعيه ودستوريه
10- كسبنا شباب مصر اللي وقف في وجه الأزمه
11- صوتنا وصلوصوتنا عمره ماهيوطي تاني
12- عرفنا طريق الحريه وبعدنا علينا عز حديد سبب الفساد في مصر
من ناحية الرئيس مبارك لازم دلوقتي نديله فرصه يدير البلد في الستة أشهر القادمه وانا في معتقدي ان مصر لن تعيش مثل الستة اشهر القادمه وستكون أزهي عصور الشعب المصري
أسف للأطاله بس انا بجد متحمس جدا وانا بكتب وكان نفسي اكتب أكتر
MaI كفراوي اصيل
تاريخ التسجيل : 26/10/2010
العمر : 31
موضوع: رد: التحرير .. التحرير الأربعاء 2 فبراير 2011 - 19:23
MiXoLoGY كتب:
أحييكي يامي علي النقط اللي انتى سردتيها في الموضوع واحنا دلوقتي بعد 8 أيام من ثورة المطالب اللي طلبها الشعب المصري وحابب اتكلم في نقط كلنا لازم نفهمها أولاً الثوره في اليوم الأول كانت سلميه جداً لحد بليل بس ناخد النقطه الايجابيه اننا مش شب همج وعمرنا ماهنكون شعب همجي انا وانا بتفرج علي قناة الجزيرة حاسس بفخر انهم مش عارفين يمسكوا غلطة واحده علي المظاهره الراقيه اللي حصلت دي عمرنا مكنا شعب متخلف بالعكس احنا كنا شعب راقي جداً ومظاهره متحضره جداً القنا بيها أفواه ناس كتير
ثانياً انا دايماً الحديث دا في دماغي (اذا فتح الله عليكم مصر بعدى فاتخذوا منها جندا كثيرا فهم خير اجناد الارض وهم فى رباط الى يوم القيامة ) اللي قام بالثوره شباب مصر مش أحزاب سياسيه ... اللي وقف في ميدان التحرير الشباب اللي قعدوا قالوا عليه شباب الشاليموه والفيس بوك والبنطلون الديرتي الشباب اللي قالوا انهم مش رجاله أهم وقفوا ووروا الناس كلها ان الشباب المصري لسه بخير وكلام الرسول صلي الله عليه وسلم ماكنش ليوم ولا اتنين دا للعمر كله يعني الثوره دي هتسكت ناس كتير اوووي وهيضطروا يفكروا كتير جداً قبل مايقولوا كلمة مش كويسه في حق الشباب المصري ( الجدعان اللي لسه مليانين شهامه )
ثالثا أكتشفنا اننا معندناش فتنه طائفيه بالعكس اللي حصل دا قرب نصري الامه مره تانيه من بعض واللي أكتر من كدا لو كان فيه فتنه في مصر كانت الكنائس والجواع انضربوا او اتفجروا وخصوصا ان الوقت دا بالذات أنسب وقت لان مافيش أمن علي الكنائس
رابعاً الجيش المصري سطر بشموخه و أحترامه لذاته وقوته تاريخ في وجدان الشعب المصري .. انا واحد من الناس اللي كنت مرعوب ان الجيش ينزل لانى كنت حاسس ان مصر هتصبح بركه من الدماء .. ولكن حمداً لله الجيش المصري اصبت انه فخر لكل المصريين اللي بنلجأله في جميع الأزمات ..
خامسااً : مصر مش هتبقي أمنه بالشرطه مصر هتبقي أمنه بشعبها واهلها انا واحد من الناس اللي صدفه رحت دمنهور وقعدت فيها اسبوع وكان لازم انزل احمي مع شباب لمنطقه البيوت والمحلات أكتشفت اد ايه اننا رجاله بنقف في وش اي جد والمسلم والمسيحي الاتنين واقفين مع بعض بيحموا بيوت بعض ... كنت بشوف أمهات و بيوت بينزلوا عشا لينا واحنا واقفين في الشارع ويمكن اللي نزلونا اكل دول لا نعرفهم ولا يعرفونا بس حسوا ان ولادهم بقوا رجاله ...
سادساً فهمت ان ناس كتير اوي بتصفي حسابتها في مصر علي حساب الشعب لما اشوف واحد زي البرادعي رجع بعد اربع ايام من النمسا وبيقول انا هقود المظاهرات ..طيب بأمارة ايه؟؟!! للأسف نزل من نظر المصريين جداً .
سابعاً الرئيس المصري الرائع محمد حسني مبارك حسسنا انه قائد عظيم .. كان ممكن بسهوله يسيب البلد ويهرب ويسبها والعه مدام كدا كدا ماش بس طلع راجل من رجال القوات المسلحه اللي مستحيل انهم يهربوا في المعارك
نيجي بقي نبص للمكاسب اللي احنا وصلنالها ...
1- مصر كسبت شعبها مره تانيه وكسبت رجالها وأطمنا علي مصر الي ابد الابدين
2- الجيش المصري لا خوف غلي مصر وهي تحت حمايته
3- الرئيس القوي اللي أتخذ قرارات في غاية الحسم اللي أتخذها
4- أتأكدنا ان مبقاش فيه توريث بعد استقالة جمال مبارك ووجود نائب لرئيس الجمهوريه
5- أستقاله حكومه فاشله
6- أنتقال السلطه بطريقة سلميه وأمنه
7- تغيير المواد اللي طالب الشعب بتغيرها
8- تحويل وزير التعذيب لمحاكمه العسكريه قد تصل الي محاكمته باللامي بالرضاص في ميدان عام
9- أصلاحات سياسيه واجتماعيه ودستوريه
10- كسبنا شباب مصر اللي وقف في وجه الأزمه
11- صوتنا وصلوصوتنا عمره ماهيوطي تاني
12- عرفنا طريق الحريه وبعدنا علينا عز حديد سبب الفساد في مصر
من ناحية الرئيس مبارك لازم دلوقتي نديله فرصه يدير البلد في الستة أشهر القادمه وانا في معتقدي ان مصر لن تعيش مثل الستة اشهر القادمه وستكون أزهي عصور الشعب المصري
أسف للأطاله بس انا بجد متحمس جدا وانا بكتب وكان نفسي اكتب أكتر
ماحدث بالفعل واعنى بالثوره لهو فخر لنا جميعا بالتأكيد لما حدث كان له الكثير والكثير من الأيجابيات والأنجازات وانا معاك فى كل اللى قولته رغم اختلافى فى نقطه بقاء الرئيس رغم موافقتى لوجوده مؤقتا بعد خطاب الأمس ولكن ماحدث اليوم قد كشف الكثير من الأشياء المفزعه ولكننا ننتظر ما سوف يحدث من احتمال حدوث حوار وبعض التنازلات ولا يسعنا الا تمنى الصلاح للبلد واعاده الأستقرار مره اخرى وبجد سرد رائع للجانب الأيجابى للأيام السابقه الـــلــهـــم انـــك أعــلـــم بــحــالــنــا فـــأصــلــحــه يــــارب الـــعــالـــــمــيــن
KoKY كفراوي اصيل
تاريخ التسجيل : 19/10/2010
موضوع: رد: التحرير .. التحرير الأربعاء 2 فبراير 2011 - 22:38
قبل مااتكلم بس ف أي حاجه حصلت ف ال8 ايام دول
حابه اقولكم حاجه الاول
بجد وحشتوني وحشتوني جدا
وحشني الامان اللي كنت بحس بيه قبل يوم 25 يناير
وحشني الحياه اللي حسيت انها وقفت بعد يوم 25 يناير
وحشني اصحابي اللي حسيت ف الايام دي انهم جزء مهم جدا ف حياتي
وحشني النت اللي حسيت ان معتش ينفع أي انسان يعيش من غيره
رغم ان البلد خلاص خرجت من ثوب السكوت والرضي باللي حاصل لثوب الكلام والتعبير عن رايهم وافكارهم
بس لسه الفتره الجايه هتبقي صعبه برده علينا
الحمدالله الحمدالله احنا عملنا كل اللي عاوزينه ومشينا الوزاره برجال اعملها بكل فساد فيها
وجت وزاره جديده انا حاسه انها ان شاء الله هتعمل كل حاجه كويسه للبلد.....
وطبعا حسني مبارك ليه كل احترام وتقدير..انا بحب الراجل ده جدا وبجد اكتر حاجه عجبتني انه ممشيش عشان البلد متخربش
بس انا عاوزه اتكلم ف كذا نقطه واخد رايكوا فيها:-
اولا: ايه رايكوا ف قناه الجزيره اللي طلعت قالت ع مصر انها بقت للبلطجيه؟؟
ثانيا: قناه العربيه اللي كل اخبارها غلط وبتحور ف الكلام (( ع فكره اتنين من مراسليها انضربوا وواحد ف المستشفي والتاني الجيش رجعه بالعافيه من ايدين المتظاهرين))
ثالثا: قناه السي ان ان اللي برده بتنقل اخبار غلط بره وقلقت كل اهلنا اللي بره مصر؟؟
رابعا: البرادعي اللي مش هعرف اقول عليه غير انه بيصطاد ف الميه العكره وجاسوس ؟؟
بجد يمكن الحاجات دي كانت من اكتر المساؤي اللي شفتها ف ال8 ايام دول بالاضافه طبعا للبلطجيه اللي سرقوا البلد وكسروا موميات ف المتحف المصري وكانوا هيكسروا مستشفي 57357 والتهجم ع الناس ف بيوتهم واخد اموالهم
ربنا معانا يارب ويعدي اليومين الجايين دول ع خير وترجع مصر بلدنا بلد الامن والامان والاستقرار
موضوع: رد: التحرير .. التحرير الأربعاء 2 فبراير 2011 - 23:30
انتى كمان وحشتينى بجد وواحشانى كل القيم الجميله اللى فقدناها
اولا: ايه رايكوا ف قناه الجزيره اللي طلعت قالت ع مصر انها بقت للبلطجيه؟؟ ابلغ رد عليهم هو ما نشر عنهم وهذا نص الخبر
_كشفت وثائق خطيرة سربها موقع "ويكيليكس" أن لقاءً سرياً جمع بين الشيخ حمد بن جاسم وزير الخارجية القطرى ومسئول إسرائيلى نافذ فى السلطة، وكشف فيه الشيخ جاسم للمسئول الإسرائيلى أن الدوحة تتبنى خطة لضرب استقرار مصر بعنف، وأن "قناة الجزيرة" ستلعب الدور المحورى لتنفيذ هذه الخطة، عن طريق اللعب بمشاعر المصريين لإحداث هذه الفوضى.
وأشارت الوثيقة إلى أن الشيخ حمد بن جاسم وصف مصر بـ"الطبيب الذى لديه مريض واحد" ويجب أن يستمر مرضه، وأكد "جاسم" - الذى استخدمت حكومته قناة الجزيرة التى تملكها قطر - أن المريض الذى لدى مصر هو القضية الفلسطينية فى إشارة منه إلى أن مصر تريد إطالة أمد القضية الفلسطينية دون حل، حتى لا تصبح مصر بلا قضية تضعها فى منصب القائد للمنطقة العربية.
كان "ويكيليكس" قد أشار إلى أن لديه 7 وثائق عن قطر، نشر منها 5 وثائق، وحجب وثيقتين بعد تفاوض قطر مع إدارة الموقع الذى طلب مبالغ ضخمة حتى لا يتم النشر لما تحويه من معلومات خطيرة عن لقاءات مع مسئولين إسرائيليين وأمريكان وأن هذه اللقاءات كلها للتحريض ضد مصر.
وعلى الرغم من أن الموقع التزم بسريه الوثيقتين بعد أن حصل على الثمن من القطريين، إلا أنه تم تسريبها إلى عدد من وسائل الإعلام، أهمها جريدة الجارديان والتى نشرت نصهما على موقعها وشملت ضمن محتواها تحليل السفارة الأمريكية لموقع قناة الجزيرة على خريطة التحرك السياسى لقطر، ودورها فى رسم ملامح سياسة قطر الخارجية.
تتحدث الوثيقة التى حملت رقم 432 بتاريخ الأول من يوليو 2009 عن اللقاء الذى استغرق 50 دقيقة بين الشيخ حمد بن جاسم وقناة الجزيرة والذى أسهب فيه بن جاسم عن السياسة الخارجية القطرية، فى عدد من الموضوعات بما فيها المصالحة الفلسطينية وعملية السلام ولم يدخر جهداً فى شن هجوم شرس على مصر وسياساتها بشكل مباشر وغير مباشر فى لحظات أخرى، وقد قام السفير الأمريكى بتحليل اللقاء، وأشار فى مجمل تحليله إلى كون الجزيرة أداة فى يد القطريين يستخدمونها كيفما يشاءون لخدمة مصالحهم على حساب أطراف أخرى.
أما الوثيقة الثانية وحملت رقم 677 بتاريخ 19 نوفمبر 2009 فقد تعلقت بتقييم شامل تعده الأقسام المختلفة بالسفارة كل فى اختصاصه حول قطر، وتطرق التقييم إلى دور قناة الجزيرة فى منظومة السياسة القطرية وتحليل توجهات الشبكة منذ تولى الرئيس أوباما لمقاليد السلطة فى واشنطن.
وأشارت الوثيقة إلى أن تغطية الجزيرة أصبحت أكثر إيجابية تجاه الولايات المتحدة ـ فى الوقت نفسه يؤكد التقييم بقاء الجزيرة كأداة للسياسة الخارجية القطرية.
وأكدت الوثيقتين أن وزير الخارجية القطرى الشيخ جاسم وعدد من المسئولين الإسرائيليين والأمريكان أنه بمجرد خروج المصريين إلى الشارع فإنه سيكلف قناة الجزيرة ببث كل ما يزكى إشعال الفتنه فى الشارع ليس فقط بين المصريين والنظام ولكن بين المصريين بعضهم البعض.
وأشارت الوثيقتان إلى أن النظام القطرى يستخدم دائماً قناة الجزيرة فى تصفيه حساباته مع خصومه وأنه نجح أكثر من مرة فى إشعال الفتن فى عدد كبير من العواصم العربية عندما توترت العلاقات مع الدوحة وأن الجزيرة هى أحد أهم القنوات الإخبارية فى المنطقة ونجحت فى جذب المشاهد العربى منذ تأسيسها._
ثانيا: قناه العربيه اللي كل اخبارها غلط وبتحور ف الكلام (( ع فكره اتنين من مراسليها انضربوا وواحد ف المستشفي والتاني الجيش رجعه بالعافيه من ايدين المتظاهرين)) العربيه معروف عنها انها والحره ذو اداره امريكيه فبالتأكيد اخبارهم وراءها اهداف فكل كلمهوراءها كلمه وكل معنى وراءه معنى
ثالثا: قناه السي ان ان اللي برده بتنقل اخبار غلط بره وقلقت كل اهلنا اللي بره مصر؟؟ نفس النظام بس الموضوع مش بس القنوات اللى انتى ذكرتيها الموضوع شامل جميع وحتى لا نكون ظالمين فقد نستثنى قناه او قناتين فكل قناه وراها اهداف وميول سياسيه اكيد شوفتى المهزله اللى بتحصل فى القنوات المصريه وغيرها وغيرها من القنوات وعلى ما اظن ان الحل هو ان نفكر ونفكر حتى نصل الى الحقيقه ونحن قادرون على ذلك
رابعا: البرادعي اللي مش هعرف اقول عليه غير انه بيصطاد ف الميه العكره وجاسوس ؟؟ انا عمرى ما وثقت فيه وتقريبا هذا شعور عام وحتى من فتره عندما قال من كانوا يؤيدوه من الاف وربما ملايين فهؤلاء كانوا بيحاولوا اى صوت معارضه ضد هذا النظام فكانوا يلجأون اليه حتى مع علمهم بعدم بصلاحيته وانا ارى انه لا يصلح وللعلم ليس هو فقط من يركب على الموجه فهناك الكثيرون والكثيرون
بجد يمكن الحاجات دي كانت من اكتر المساؤي اللي شفتها ف ال8 ايام دول بالاضافه طبعا للبلطجيه اللي سرقوا البلد وكسروا موميات ف المتحف المصري وكانوا هيكسروا مستشفي 57357 والتهجم ع الناس ف بيوتهمواخد اموالهم
ربنا معانا يارب ويعدي اليومين الجايين دول ع خير وترجع مصر بلدنا بلد الامن والامان والاستقرار
موضوع: رد: التحرير .. التحرير الخميس 3 فبراير 2011 - 15:11
انا فعلا مش لقيه اكلام اقوله بعد كلام طارق اللي عجبني جدااااااااااااااااااا يا مي مش من السهل ان الريس يتنازل كده مره واحده عن الحكم انتي ايه قلبك بقي جامد ليه كده انا فعلا بحب الرجل دا جدااااااااااااااااااااا علي الرغم ان في حاجات كتير في سياسته مش عجباني بس فعلا يستحق كل الاحترام والتقدير ولازم علي كل واحد او واحده مصريه انه يحترم الرجل دا
لا انا مش قولت ان السبب هي المظاهرات بالعكس المظاهرات دي حققت مكاسب لينا كتير زي ما طارق قال بس في ناس تانيه عايزه تعمل فتنه في البلد وكمان كفايه البلطجيه اللي كانوا ماشيين في البلد ومش هممهم حاجه وماشين يسرقوا في البلد وينهبوها زي ما هما عايزين
طيب اديله فرصه ونشوف ايه اللي هيحصل؟؟؟؟؟؟؟؟؟؟؟؟
MaI كفراوي اصيل
تاريخ التسجيل : 26/10/2010
العمر : 31
موضوع: رد: التحرير .. التحرير الخميس 3 فبراير 2011 - 15:56
JASMEN كتب:
انا فعلا مش لقيه اكلام اقوله بعد كلام طارق اللي عجبني جدااااااااااااااااااا يا مي مش من السهل ان الريس يتنازل كده مره واحده عن الحكم انتي ايه قلبك بقي جامد ليه كده انا فعلا بحب الرجل دا جدااااااااااااااااااااا علي الرغم ان في حاجات كتير في سياسته مش عجباني بس فعلا يستحق كل الاحترام والتقدير ولازم علي كل واحد او واحده مصريه انه يحترم الرجل دا
لا انا مش قولت ان السبب هي المظاهرات بالعكس المظاهرات دي حققت مكاسب لينا كتير زي ما طارق قال بس في ناس تانيه عايزه تعمل فتنه في البلد وكمان كفايه البلطجيه اللي كانوا ماشيين في البلد ومش هممهم حاجه وماشين يسرقوا في البلد وينهبوها زي ما هما عايزين
طيب اديله فرصه ونشوف ايه اللي هيحصل؟؟؟؟؟؟؟؟؟؟؟؟
احنا كلنا مصريين و كلنا الايام اللى فاتت اثبتنا اننا ايد واحدة مش هنيجى فى اصعب ايام و نتفرق و نتخانق الناس اللى مع مبارك او اللى ضده انا متاكده ان كل دول موقفهم نابع من حرصهم على مصلحة مصر لكن كل واحد له مفهومه و رايه وللتذكير شكرا على رأيك الذى يحترم عن كونى قاسيه
لكن ده لازم يخلينا كلنا نفكر هم ليه فتحوا النت بعد 5 ايام انقطاع عشان الناس كلها تمسك فى بعض و يفرقونا و ده نفس السبب اللى عشانه طلقوا الناس تقتل فى بعض فى ميدان التحرير مش لازم ندى لحد الفرصة انه يفرقنا واعتصموا بحبل الله جميعا ولا تفرقوا كل واحد ليه رايه و كل واحد رايه دليل على خوفه على وطنه و فى الاخر ربنا هيعمل اللى فيه الخير ان شاء لله الـــلــهـــم انـــك أعــلـــم بــحــالــنــا فـــأصــلــحــه يــــارب الـــعــالـــــمــيــن
MaI كفراوي اصيل
تاريخ التسجيل : 26/10/2010
العمر : 31
موضوع: رد: التحرير .. التحرير الجمعة 4 فبراير 2011 - 2:05
بعد اذنك كنت حابه استكمل ردى علي تعليقك يا ياسمين انا حبيت بس اوضح وجهه نظرى بشكل اكبر ليكى ليس معنى كلامى هو رفضى الكامل لبقاء حسنى مبارك فى الحكم الأشهر القليله المقبله رغم ادانتى له ولتسببه لحدوث الكثير من الكوارث ولا اقصد هنا الفساد ولكن حتى تستقر الأمور وحقنا لمزيد من الدماء ولست ابدا مع انصار رحيله بشكل غير لائق فنحن مهما حدث شعب ذو خلق وليس مسموح بأى شكل كان اهانه اى شخص فهذا ليس من اخلاقنا رغم انى ارى من الأفضل هو اعطاء صلاحيات كامله لنائبه السيد عمر سليمان وبقائه كما هو بكرامته انا ارى ان هذا هو الحل المناسب ولكن ماارفضه كل رفض هو التجاهل لكل شهيد من الشهداء فهذه جريمه كبرى اكبر من جريمه السكوت او اصدار الأوامر بذلك مع رفضى عن كون النظام الحالى غير مسئول حتى الأن بشكل تسبب فى الكارثه التى شهدناها جميعا امس و وصول عدد الجرحى الى المئات وعدد القتلى الى مايقرب الست اشخاص مع ذلك فأنا لست مع جمعه الرحيل هذا ليس للسبب الذى يرفض بسببه ولكن حقنا لمزيد من الدماء وللأستقرار وحتى لا يستغل البعض كالأخوان هذه الثوره البيضاء وتوضيح هذا لا ليس خلاف ماذكرته من قبل ولكن هذه دعوه للأستقرار ودعوه لحقن الدماء وحفاظه على كرامه رئيس قد تسبب بالكثير والكثير ولم اسامحه حتى الان و لكن ليس هو المشكله الأن بل المشكله هى مشكله بلد نحاول الحفاظ عليها وعلى شعبها وعلى استقرارها اتمنى ان اكون اقد استطعت توصيل وجهه نظرى وايضا للتذكير انا اسفه لو كان اسلوبى فيه بعض من الحده ولكن انتى اكيد تقدرين الظروف التى نحن فيها مع حزنى الذى سبب لى جرح عميق على كل شهيد الـــلــهـــم انـــك أعــلـــم بــحــالــنــا فـــأصــلــحــه يــــارب الـــعــالـــــمــيــن
JASMEN كفراوي اصيل
تاريخ التسجيل : 10/11/2010
موضوع: رد: التحرير .. التحرير الجمعة 4 فبراير 2011 - 10:09
MaI كتب:
JASMEN كتب:
انا فعلا مش لقيه اكلام اقوله بعد كلام طارق اللي عجبني جدااااااااااااااااااا يا مي مش من السهل ان الريس يتنازل كده مره واحده عن الحكم انتي ايه قلبك بقي جامد ليه كده انا فعلا بحب الرجل دا جدااااااااااااااااااااا علي الرغم ان في حاجات كتير في سياسته مش عجباني بس فعلا يستحق كل الاحترام والتقدير ولازم علي كل واحد او واحده مصريه انه يحترم الرجل دا
لا انا مش قولت ان السبب هي المظاهرات بالعكس المظاهرات دي حققت مكاسب لينا كتير زي ما طارق قال بس في ناس تانيه عايزه تعمل فتنه في البلد وكمان كفايه البلطجيه اللي كانوا ماشيين في البلد ومش هممهم حاجه وماشين يسرقوا في البلد وينهبوها زي ما هما عايزين
طيب اديله فرصه ونشوف ايه اللي هيحصل؟؟؟؟؟؟؟؟؟؟؟؟
احنا كلنا مصريين و كلنا الايام اللى فاتت اثبتنا اننا ايد واحدة مش هنيجى فى اصعب ايام و نتفرق و نتخانق الناس اللى مع مبارك او اللى ضده انا متاكده ان كل دول موقفهم نابع من حرصهم على مصلحة مصر لكن كل واحد له مفهومه و رايه وللتذكير شكرا على رأيك الذى يحترم عن كونى قاسيه لا والله مش خناق ولا حاجه انا بس استغربت ردك.......... انا مش معاه ولا ضده انا فعلا مع مصلحه البلد فين انا وجهه نظري انه يكمل الفتره دي بس من غير اما نهينه انا فاهمه وجهه نظرك اكيد كلنا طبعا عايزين مصلحه البلد دون اي شك واسفه ان كنت وصفت قلبك بالقساوه بعتذر مره تانيه
لكن ده لازم يخلينا كلنا نفكر هم ليه فتحوا النت بعد 5 ايام انقطاع عشان الناس كلها تمسك فى بعض و يفرقونا و ده نفس السبب اللى عشانه طلقوا الناس تقتل فى بعض فى ميدان التحرير مش لازم ندى لحد الفرصة انه يفرقنا واعتصموا بحبل الله جميعا ولا تفرقوا كل واحد ليه رايه و كل واحد رايه دليل على خوفه على وطنه و فى الاخر ربنا هيعمل اللى فيه الخير ان شاء لله
موضوع: رد: التحرير .. التحرير الجمعة 4 فبراير 2011 - 10:23
MaI كتب:
بعد اذنك كنت حابه استكمل ردى علي تعليقك يا ياسمين
براحتك يا مي كل واحد يقول رايه ؟
انا حبيت بس اوضح وجهه نظرى بشكل اكبر ليكى ليس معنى كلامى هو رفضى الكامل لبقاء حسنى مبارك فى الحكم الأشهر القليله المقبله رغم ادانتى له ولتسببه لحدوث الكثير من الكوارث ولا اقصد هنا الفساد ولكن حتى تستقر الأمور وحقنا لمزيد من الدماء ولست ابدا مع انصار رحيله بشكل غير لائق فنحن مهما حدث شعب ذو خلق وليس مسموح بأى شكل كان اهانه اى شخص فهذا ليس من اخلاقنا رغم انى ارى من الأفضل هو اعطاء صلاحيات كامله لنائبه السيد عمر سليمان وبقائه كما هو بكرامته انا ارى ان هذا هو الحل المناسب
طيب ما هو دا اللي انا بتكلم فيه
ولكن ماارفضه كل رفض هو التجاهل لكل شهيد من الشهداء فهذه جريمه كبرى اكبر من جريمه السكوت او اصدار الأوامر مفيش حد حابب فعلا حاجه زي دي
بذلك مع رفضى عن كون النظام الحالى غير مسئول حتى الأن بشكل تسبب فى الكارثه التى شهدناها جميعا امس و وصول عدد الجرحى الى المئات وعدد القتلى الى مايقرب الست اشخاص مع ذلك فأنا لست مع جمعه الرحيل هذا ليس للسبب الذى يرفض بسببه ولكن حقنا لمزيد من الدماء وللأستقرار وحتى لا يستغل البعض كالأخوان هذه الثوره البيضاء وتوضيح هذا لا ليس خلاف ماذكرته من قبل ولكن هذه دعوه للأستقرار ودعوه لحقن الدماء وحفاظه على كرامه رئيس قد تسبب بالكثير والكثير ولم اسامحه حتى الان و لكن ليس هو المشكله الأن بل المشكله هى مشكله بلد نحاول الحفاظ عليها وعلى شعبها وعلى استقرارها
يا مي والله كلنا عايزين الاستقرار والهدوء في البلد فعلا البلد بقت فوضي جدااااااا مفيش حد عارف يروح شغله والمصالح كلها وقفه هو دا اللي احنا عايزينه
الاستقرار
اتمنى ان اكون اقد استطعت توصيل وجهه نظرى
انا فاهمه وجهه نظرك ايه .
وايضا للتذكير انا اسفه لو كان اسلوبى فيه بعض من الحده ولكن انتى اكيد تقدرين الظروف التى نحن فيها
ولا يهمك كلنا فعلا مضغوطين جدااااااا انا اللي اسفه لو كنت اتكلمت باسلوب مش كويس
مع حزنى الذى سبب لى جرح عميق على كل شهيد الله المستعان
موضوع: التحرير .. التحرير 
الأربعاء 2 فبراير 2011 - 16:00
