نصائح للزوج

aaa daa ! da fe el a7lam aked ,bs 7elw awyy <3....

KoKY كتب:

نصائح للزوج:-

1- عند العودة الى المنزل حاول ان تجدها قبل كل شيء و ضمها.

تقصدى الاكل اكيد

2- رتب الاغراض في البيت بحيث لا تعاني من بعدك فقم بقلب الجوارب حتى تكون جاهزة للغسيل .

واحد فى اول الشقه و التانى فى اخرها

3- قم بغسل و تنظيف سيارتك قل الخروج معها في موعد.

لالا هو انا فاضى لو رايح اجتماع اوك

4- احضر لها زهورا كمفاجاة و خطط سلفا للمناسبات الخاصة او عطلة نهاية الاسبوع .

قولى مثلا 5 كيلو لحمه ولا حاجه زهور دى بتتاكل ولا ايه ان شاء الله هى تورتايه تلبسها فى وشها علشان تبقى خاصه بجد

5- اذا بدى عليها انها متعبة و تريد اعداد العشاء اعرض عليها ان تقوم انت باعداده.

هههههههه قال اعرض عليا قال اومى انجرى يا وليه انا راجع تعبان من الشغل

6- كلما جرحت مشاعرها, ابذل لها بعض التعاطف و قل لها انا اسف لانك تشعرين بالجرح . ابق بعد ذلك صامتا و دعها تشعر بتفهمك لجرحها. و لا تحاول تبرير ان الجرح ليس خطاك.

تعاطف اي و كلام فارغ ايه احنا فضيين للنحنحه و الكلام الفارغ ده

7- كلما احتجت ان تكون لوحدك اخبرها انك ستعود او انك تحتاج الى بعض الوقت للتفكير في بعض الاشياء. و اذا عدت تحدث عما كان يزعجك باسلوب محترم دون لوم حتى لا تتخيل هي الاسوأ.

اكيد لما اكون بافكر فى الطلاق ولا حاجه و بعدين هاكون متنرفز ازاى يعنى اعبر ب اسلوب محترم لازم ازعق و صوتى يبقى مالى البيت كده

8- عندما تتحدث معك اعطها اهتمامك , ضع المجلة او الجريدة جانبا و اخفض صوت التلفاز.

لالا اكيد هايكون فى فيلم حلو ولا حاجه و بعدين ما تخرس لحد ما يخلص الفيلم هيا حبكت يعنى

9- انتبه عندما تكون منزعجة او متعبة و اعرض عليهاالقيام بامور من واجبها القيام بها بدلا عنها.

اه و ماله و شويه شويه البس المريله و اعد اغسل الموعين و اطبخ و اغير للعيال البامبارز ((( كلام فارغ ))


10- اتصل بها من العمل و اسال عن احوالها و اذا ارادت منك ان تحضر شيئا للمنزل او فقط اتصل لتقول "احبك"

ههههههههه ياسلام بجد والله الواحد بيكون مشغول فى الشغل ايبقى فاضى ل كده و بعدين الرصيد يا ماما هو ببلاش ولا ايه
و بعدين ما تجيب هيا اللى هيا عايزاه عرجه يعنى


11- اعرض عليها ان تقوم بتدليك ظهرها او رقبتها دون ان تطلب ذلك .

الله

12- لا تقم بتغيير قناة التلفاز ان كانت تشاهده معك.

ليييييه هيا واخداه حق انتفاع ولا ايه انا اتفرج اللى انا عايزه تروح تشوف وراها ايه فى البيت تطبخ تكنس تغسل الهدوم الواحد مش ناقص قرف

13- اظهر رقتك و احترامك لها في الاماكن العامة ( في مجتمعنا عند الاهل سواء اهل الزوج او الزوجة).

ولا يكون عندك فكره باليمين و الشمال و اديها

14- اقترح مطاعم مختلفة للخروج اليها, و لا تضع الحمل عليها لتقرير اين تذهبان.

نفترض ان الاكل ما عجبهاش يومنا هايبقى اسود

15- اختلق مناسبات من المممكن فيها الخروج بكامل اناقتكما معا.

6 اكتوبر مثلا او عيد العمال

16- كن منتبها لها اكثر من الاولاد و الاخرين في الاماكن العامة و اجعل الاطفال
يرون انها مصدر اهتمامك (فذلك ينعكس على شخصياتهم في المستقبل بشكل كبير).

هاتوه يعنى ماهى مرزوعه جنبى االمهم الاولاد علشان مايتهوش بس

17- دعها ترى انك تحمل لها صورة في محفظتك و جددها من وقت لاخر.

ماباشيلش محافظ هه يلا بقى

18- عندما تنزلان في فندق اجعلهم يجهزون الغرفة بشيء خاص مثلا الزهور

و احنا نروح فندق ليييييه مالبيت موجود اهه و لو على الورد فى احسن منه جرجير ولا حاجه مهو نبات برضه زيه

19- فاجاها بملحوظة حب او شعر و كانما انتم بعد في اول علاقتكم.

على اساس انى مش هالاقيها رابطه دماغها و شكلها يطفش الخميره من البيت حاجه تسد النفس يا شيخه شعر ايه بس

20- افتح لها الباب و احمل عنها المشتريات و الصناديق الثقيلة .

ماتشيل هيا هو انا مجوزها تتطوع يعنى


...مين ده دا اول مابيشوفها بيقولها يالا ياوليه حضرلنا الغدا

21- دعها تدرك انك تفتقدها عندما تكون خارج المنزل

هايكون احسن وقت للنوم و الراحه النفسيه

22- قبلها و قل لها الى اللقاء عندما تخرج


قبلها ايه و كلام فارغ ايه
مع السلامه ياختى مع ابتسامه عريضه بتدل على الفرحه
و فى سرى ( الهى قطر يدهسك يا شيخه )

بقي بالذمه حد هيعمل الكلام ده ف بيته بعد كده؟؟

حاجات حلوه اوى بس زى ما الراجل عنده حاجات مهمه زى دى فعلا لازم يعملها الست برضه عندها حاجات
بصى زى ما هى هاتعامله هو هايعملها احسن يعنى لازم يكون من الناحيتين مش من ناحيه واحده علشان الموضوع مايبقاش تقليدى
لازم يبقى كل يوم فى جديد علشان لو فضلوا كده الحياه هاتبقى ممله اوى فا لازم حاجات من دى

موضوع جميل يا كوكى

mmkn b2a nshel el topic ya mariam w n7ot bdalo rad 7mido ,kda nb2a 2rbna aktr mn el wak3ya

hhhhhhhhhh aywa n3mlo b2a eh 3awdet se elsayed

mohamed hamido كتب:

حاجات حلوه اوى بس زى ما الراجل عنده حاجات مهمه زى دى فعلا لازم يعملها الست برضه عندها حاجات
بصى زى ما هى هاتعامله هو هايعملها احسن يعنى لازم يكون من الناحيتين مش من ناحيه واحده علشان الموضوع مايبقاش تقليدى
لازم يبقى كل يوم فى جديد علشان لو فضلوا كده الحياه هاتبقى ممله اوى فا لازم حاجات من دى

موضوع جميل يا كوكى

اطلع برررررررررررررررررررررررررررررررررررررررررررررررررره ياحميدو
داانت بجد لما تتجوز هتشوف ايام سوده ف حياتك
ايه يابني ده هي جاريتك ولا ايه
بص ياحميدو بجد زي ماهدي بتقول بشويه حنيه وطيبه وكلام حلو هتلاقي مراتك بجد من ايدك دي لايدك دي
وفعلا زي ماانت قولت زي ماانت عندك حاجات مهمه تعملها هي كمان عندها بس لازم انت اللي تبدا معاها لان الست بطبعها خجوله وبتتكسف وتحب تلاقي اللي يشجعها(ومتقوليش ليه هو احنا ف ماتش كوره ولا ايه )
حاجه كمان مينفعش حوار زي ماهتعمله هيعملها طيب ماتعمل انت اكتر ومع الوقت هتلاقيها بتعملك اكتر واكتر واكتر بلاش نظام واحده بواحده ده

منور ياحميدو ..

HOoOoDA كتب:

ياسلااااااااااااااااام والله يا مريم الستات طلباتها ف الحياه اقل من كدا بكتييييييير
كفايه بس كلمه حلوه ... وشويه حنيه ...هينسووها كل التعب الي بتتعبه وهتبقى عايزه تدي اكتر وتعمل كل الي تقدر عليه ووتحاول لغايه ما تعمل الي ماكنتش تقدر تعمله ف يوم
الحياه ابسط من كدا بكتييييييييير..لو كل طرف فهم وقدر الطرف التاني كل واحد منهم هيبقى عايز يعمل المستحيل علشان يسعده
ربنا يسعدنا جميعا يارب

ردك حلو اوووي ياهدي بجد
وفعلا الكلمه الحلوه بتغير حاجااااااااات كتير اوي وبتخلي الست عاوزه تعمل كل حاجه حلوه لجوزها
تسلمي ياجميل ع ردك الجميل

nagham hussam gad كتب:

mmkn b2a nshel el topic ya mariam w n7ot bdalo rad 7mido ,kda nb2a 2rbna aktr mn el wak3ya

عرفاهم انا الواكع والحكيكه دول
وحميدو انا رديت عليه فوق وان شاء الله هيتعظ
تسلمي ياجميل..

بجد يا كوكى موضوع جميل
لان الست بطبعها تتعامل بعواطفها ولو استغل الراجل النا حية دى واحترمها واحترم مشاعرها
وبكلمة حلوة منة ممكن تتعمل المستحيل حتى لو كان فى لحظة زعل ما بينهم لان المراة ربنا خلقها حساسة اوووووى وهى اصلا اساس كل شىء يا جميل
ويارب كل الرجالة تعمل زى ما انتى بتقولى فى موضوعك
مش هيكون فى مشاكل زوجية نهائى

وعاوزة اقول حاجة لحميدو

الله يكون فى عون شريكة حياتك
ههههههههههههههههههههههههههههههههههههههههههه

ومرسى ليكى يا كوكى بجد استمرررررررررررررررررررررررررررررررى