وائل غنيم:توضيح كامل لموقفي الشخصي وإجابة على كل التساؤلات
بسم الله الرحمن الرحيمأولا: مصر فوق الجميع .. مصر فوق الجميع .. مصر فوق الجميعثانيا:أنا كنت باحارب الداخلية لمدة 8 شهور ومعرض حياتي للخطر ودعيت ليوم 25
يناير واتسجنت 12 يوم كنت كل يوم بانتظر الموت فيها ولسه هاضحي وقلت إني
مستعد أموت. صدقوني مستحيل أعقد أي صفقات لأني لا أطمع في أي حاجة ومش
عايز غير حرية مصر والمصريين وكرامتهم.
ثالثا: الموقف صعب جدا ومعقد وصوت الشعب أقوى من صوت أي أشخاص أو رموز.
من البداية قلت من كل قلبي لست رمزا ولست بطلا ولست متحدثا رسميا باسم الشعب.
الشعب أقوى والشعب الآن في الشارع يفرض وجهة نظره بغض النظر عن رأي وائل غنيم أو غيره.رابعا:لا توجهوا لشباب الثورة الاتهامات بالتخريب أو تعطيل الأعمال. المسؤول
الحقيقي زي ما قلت في حلقة منى الشاذلي وهو إن اللي قتل الشباب واللي
بيخرب مصر واللي بينهب ثروات الناس دلوقتي مش المتظاهرين هما اللي قاعدين
على كراسيهم وفاكرين إنهم فوق مستوى الحساب.خامسا: كرأي شخصي أنا مصدق الوعود وعارف كويس إنهم استوعبوا الدرس وإن التغيير أصبح
واقع ملموس ومحدش هيقدر يرجع مصر لقبل 25 يناير. بس ده رأيي الشخصي اللي
صوته مش عالي في الشارع. وأنا لا ألوم الشارع لأن مصر عاملة زي بنت فضل
السفاح يغتصبها ولما قدرت تمسك السكينة بدأ يقول لها نتفاوض فالناس فاكرة
إن كل ده تمثيلية وأنا لا ألومهم.
سادسا: مستحيل أزايد على الأبطال اللي في الشارع اللي بيعرضوا حياتهم للخطر.
دول أهلي واخواتي وحبايبي المصريين. دول اللي خلونا نقدر نوصل لكل الانجاز ده ودول اللي
بيواصلوا نضالهم دلوقتي. سابعا: دماء الشهداء لا تفاوض فيها لأنها غاليةثامنا:أنا هابطل أتكلم مع وسائل الإعلام إلا للضرورة القصوى لأني باغلط وكلامي
بيتفسر بالغلط ومش هاتكلم مع أي صحافة نهائيا كلامي هيكون فقط في
التلفزيونات لمنع أي تحوير ليه. أنا مش خبير في الإعلام ولا سياسي محنك
ولا بافهم في التنازلات والموازنات والألعاب. كلامي عن إن الناس تسيب
التحرير إمبارح كان قبل إذاعة خطاب الريس لأن كلنا افتكرنا إنه تنحى خلاص.
وطبعا وسائل الإعلام الموجهة قررت إنها تبرزه كأنه كلامي بعد خطاب الرئيس.
ولكن برضه لازم أوضح إني بشكل ما راضي عن المكاسب اللي حققناها لحد دلوقتي.تاسعا:لا يضيرني أن يتهمني البعض بالخيانة سواء كانوا من المتظاهرين أو من
النظام. أنا هافضل أعمل اللي بيقوله لي ضميري اللي عمره ما هيموت لأنه صحي
عشان بلده.
عاشرا: أؤكد لكم إن مصر قضيتها داخلية وإن اللي
بيثور ده شعب مصر الرائع وأنا حتى قلت في تصريح لجريدة أمريكية إننا مش
عايزين منكم حاجة لا تعاطف ولا رد ولا رسائل .. ده حقنا وهنجيبه بنفسنا.أخيرا مصر فوق الجميع .. وأعاهد الله إني أحارب عشان مصلحة بلدي
موضوع: وائل غنيم:توضيح كامل لموقفي الشخصي وإجابة على كل التساؤلات 
الجمعة 11 فبراير 2011 - 15:11
