كفراوي
كأنك مفيش.. Ezlb9t10


KaFRaWY ... EXPRESS YOUR SELF
 
الرئيسيةالتسجيلدخول

شاطر
 

 كأنك مفيش..

اذهب الى الأسفل 
كاتب الموضوعرسالة
MaI
كفراوي اصيل
كفراوي اصيل
MaI

تاريخ التسجيل : 26/10/2010

العمر : 27


كأنك مفيش.. Empty
مُساهمةموضوع: كأنك مفيش..   كأنك مفيش.. Icon_minitimeالثلاثاء 25 يناير 2011 - 18:19

كأنك مفيش ..

برغم إن صورك فـ كل الدواير
وكل المداخل وكل المحاور
ومليا الشوارع على كل حيط ..
مطنش علينا وعامل عبيط ..
كأنك مفيش ..
***
يا فرحة قلوبنا رئيسنا ظريف ..
فُكهي ..
إبن نكته ودمه خفيف
فـ عهدك سيادتك فَرَشنا الرصيف
وآخر مُنانا الغُموس والرغيف
وكل أمَّا تُخنُق ندوَّر ..
مفيش !!
***
مسيِّب علينا عصابة حبايبك
فضايح وسرقة ونهب بسبايبك
مابين حزب نجلك .. وهانم جلالتك
وجيش الغوازي إللَّي داير يجاملك
وناملك وقاملك .. وحارسك وأمنك
شبعنا مهانه .. شبعنا لطيش ..!
وأنت .. مفيش !!
***
باعونا فـ حضورك ..
ببركة عِبـيدك وغالي وسرورك
باعوا الأراضي .. وكل المصانع
وباعوا البنوك ..
وقدَّام عِنيك .. صوتنا إتـنبح ..
ننادي عليك ..
إلحق يا ريس : ده باعوا الحديد !!
وأنت منشِّف دماغك عنيد !!
.. كأنك مفيش !!
***
دوشتوا دماغنا " بجمال " طلعتك
ومن يومها وإحنا عَبـيد حضرتك
ما تزعلش إني مواطن أبيح
ورافض كلابك فـ شعبك تطيح
فسادهم يا ريِّس واضح .. صريح
قوم بينا صلّح وفتَّش .. وثور
ح نكتب تاريخك ياريِّس بنور
مش تبقى عايش كأنـَّك مفيش !!
***
ورحمة أبوك .. مادام أنت قاعد
عيب لمَّا عُصبة نَـوََر يسحبُوك
م تُقبض عليهم .. م تقطع إيديهم ..
م تعمل عليهم يا ريِّس شاويش
بدل م انت ساكت وقاعد مفيش
***
ياريس علىّ الطلاق تعبانين !!
ياريس علىّ الحرام كفرانين !!
صبرنا سنين ..
سيادتك مسلطن
وشعبك وناسك بتاكل مسرطن
وتشرب مجاري وميت سم هاري ..
ومش دريانين !!
ما تنهض يا ريس تلم الديابه ؟!!
ده شعبك غلابه ..
ومليان طيابه ..
وهوَّ الشفاعة ف يوم الحساب
وهما البطانة الحُثاله الكلاب
ما يملاش عنيهم غير التراب
وليهم ضوافر
وميت ألف ناب
وواقفين لشعبك ورا كل باب
لإمتى ح تسكت وليه الغياب ؟
ده ياما ممالك طواها التراب
حياتنا ياريس تعب فوق عذاب
يا ريس " شريفك " ماهوَّاش شريف !!
" نظيفك " يا ريس ماهوَّاش نظيف !!
وحتى " حبيبك " ماهواش حبـيب !!
وأنا غصب عني .. خلاص إستويت ..
بـ غـُلبي إنحنيت ..
وطلعان عنيا .. وصعبان عليا
بحسبة بسيطة ومن غير خريطه ..
وكونك مفيش .. بقيت متساويش
ومش فارقه أعيش ..
نويت أشتكيك للِّي فوقي وفوقك
وأصلي الفرايض ..عسى يفـُك طُوقـك
قالولي إللي يسجد عدو النظام !!
حاولت أحكي حالي ..!!
قالولي الحكاوي نميمة وحرام !!
فكرت أكتب ..
لقيتكم سيادتك منعتوا الكلام !!
فقررت أحلم ..
هاحلم سيادتك وأفُك اللِّجام
ولو مش هيعجب سيادتك يا فندم
وصِّي العساكر .. تاخُدني أمَّا انام !!
***
حلمت إني شعب ..!
حلمت إني شعب ومصلوب بطولي
على أرض سمرا
ودمي بينـزف ومليان جروح
وفوق صدري جمرة
يميني مربّط على أرض طابا
شمالي ممسمر فـ "أولاد علي"
ورجلي على جزع نخلة فـ "حلايب"
ومرتاح براسي على حِجْر مصر
وشوفتك ياريس ..كأنك ولي ..
كأنك نبي ..
فـ إيدك عصاية وليك معجزات
وشايل صليبي وبتفـُكني ..
وانا فـ جنَّه خضره .. وتحتي جداول ..
ومن فوقي نور .. وريحة بخور ..
همست ف ودانك بآخر وصيّة :
إنسى إللي فاتك ..
هننسى الأسية .. !!
أمانه عليك ..
حُط الوطن جُوَّه نِنِّي عينيك
كرامة عيالنا أمانة ف إيديك
بحق إللي بينّا يا ريِّس وبـينك
وحَق اليَمِين و" ألكتاب " فى يمينك
بحق الشهيد .. إللي رافع جبينك
وجيش إنتصارك فى يوم العبور
وجيل حُر طالع .. وعدته بدور
لملم عيالك .. وجمَّع فـ مالك
وإسحب " جمالك " وسيبنا وغور


احمد فؤاد نجم
الرجوع الى أعلى الصفحة اذهب الى الأسفل
KoKY
كفراوي اصيل
كفراوي اصيل
KoKY

تاريخ التسجيل : 19/10/2010


كأنك مفيش.. Empty
مُساهمةموضوع: رد: كأنك مفيش..   كأنك مفيش.. Icon_minitimeالسبت 5 فبراير 2011 - 18:40

بجد عنده حق ف كل كلمه قالها بس الحمدالله ان البلد بدات تتصلح اهوه
وشريفه وحبيبه ونظيفه مشيوا بفسادهم وكل حاجه وحشه تبعهم
وان شاء الله البلد دي هتبقي احسن من الاول ميت مره وهتبقي ابهار لكل سائح هييجي يزورها تاني ان شاء الله

راااائعه يامي تسلمي يارب


كأنك مفيش.. Diamond-cross-pendants
الرجوع الى أعلى الصفحة اذهب الى الأسفل
MaI
كفراوي اصيل
كفراوي اصيل
MaI

تاريخ التسجيل : 26/10/2010

العمر : 27


كأنك مفيش.. Empty
مُساهمةموضوع: رد: كأنك مفيش..   كأنك مفيش.. Icon_minitimeالسبت 5 فبراير 2011 - 20:10

KoKY كتب:
بجد عنده حق ف كل كلمه قالها بس الحمدالله ان البلد بدات تتصلح اهوه
وشريفه وحبيبه ونظيفه مشيوا بفسادهم وكل حاجه وحشه تبعهم
وان شاء الله البلد دي هتبقي احسن من الاول ميت مره وهتبقي ابهار لكل سائح هييجي يزورها تاني ان شاء الله

راااائعه يامي تسلمي يارب
يارب بجد واكيد مصر اتغيرت كتير وهتتغير اكتر
تسلمى يا حبيبتى وميرسى بجد على كلامك ربنا يخليكى يارب
الرجوع الى أعلى الصفحة اذهب الى الأسفل
 
كأنك مفيش..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كفراوي :: الأدب والروايات :: بقلم شاعر-
انتقل الى:  
المواضيع الأكثر نشاطاً
دعاء
ʂ₥ῖḼ϶ ツ
مود اعضاء كفراوي
صوره وتعليق
25 يناير.. لمن الكلمة اليوم؟
أشتغالااااااااااااات
ليك هنا رساله ملغومه واللبيب بالإشاره يفهم ...
اوجد الاختلافات بين الصورتين
انت لى!!!!!!!!!
انتصار الشعب التونسي .. والرئيس يغادر البلاد
أفضل 10 أعضاء في هذا الأسبوع
أفضل 10 أعضاء في هذا المنتدى
MaI - 2323
كأنك مفيش.. I_vote_rcapكأنك مفيش.. I_voting_barكأنك مفيش.. I_vote_lcap 
gege mosa - 2026
كأنك مفيش.. I_vote_rcapكأنك مفيش.. I_voting_barكأنك مفيش.. I_vote_lcap 
KoKY - 1883
كأنك مفيش.. I_vote_rcapكأنك مفيش.. I_voting_barكأنك مفيش.. I_vote_lcap 
remo nail - 1367
كأنك مفيش.. I_vote_rcapكأنك مفيش.. I_voting_barكأنك مفيش.. I_vote_lcap 
JASMEN - 1202
كأنك مفيش.. I_vote_rcapكأنك مفيش.. I_voting_barكأنك مفيش.. I_vote_lcap 
MiXoLoGY - 1038
كأنك مفيش.. I_vote_rcapكأنك مفيش.. I_voting_barكأنك مفيش.. I_vote_lcap 
abosherif - 452
كأنك مفيش.. I_vote_rcapكأنك مفيش.. I_voting_barكأنك مفيش.. I_vote_lcap 
HOoOoDA - 209
كأنك مفيش.. I_vote_rcapكأنك مفيش.. I_voting_barكأنك مفيش.. I_vote_lcap 
Nana Afify - 148
كأنك مفيش.. I_vote_rcapكأنك مفيش.. I_voting_barكأنك مفيش.. I_vote_lcap 
دودو951753 - 121
كأنك مفيش.. I_vote_rcapكأنك مفيش.. I_voting_barكأنك مفيش.. I_vote_lcap 
المواضيع الأخيرة
» أشتغالااااااااااااات
كأنك مفيش.. Icon_minitimeالخميس 21 يونيو 2012 - 19:00 من طرف DeroOo

» difference between thank you & thanks
كأنك مفيش.. Icon_minitimeالأربعاء 13 يونيو 2012 - 19:17 من طرف DeroOo

»  الفرق بين العشق والحب
كأنك مفيش.. Icon_minitimeالإثنين 11 يونيو 2012 - 20:36 من طرف DeroOo

»  احلى نكته
كأنك مفيش.. Icon_minitimeالإثنين 11 يونيو 2012 - 20:26 من طرف DeroOo

» الشهيد عاطف السادات
كأنك مفيش.. Icon_minitimeالسبت 9 يونيو 2012 - 20:29 من طرف DeroOo

» دنيا سمير غانم تفرج عن صور خطوبتها
كأنك مفيش.. Icon_minitimeالسبت 9 يونيو 2012 - 19:24 من طرف DeroOo

» تصويت بخصوص قسم للمشاكل
كأنك مفيش.. Icon_minitimeالأحد 3 يونيو 2012 - 13:42 من طرف DeroOo

» مود اعضاء كفراوي
كأنك مفيش.. Icon_minitimeالجمعة 1 يونيو 2012 - 12:40 من طرف DeroOo

» خمسين معلومة عن الرسول (صلى الله عليه وسلم)
كأنك مفيش.. Icon_minitimeالجمعة 1 يونيو 2012 - 12:38 من طرف DeroOo

» اعقاد غريبه شويه
كأنك مفيش.. Icon_minitimeالخميس 31 مايو 2012 - 18:49 من طرف HaLa ElGheriany