موضوع: ما أجمل ألا تفعل شيئًا ثم ترتاح قليلًا السبت 27 نوفمبر 2010 - 0:55
( ما أجمل ألا تفعل شيئًا ثم ترتاح قليلًا)....
ربما أصبحت هذه الحكمة ثقافة جيل كامل... ابتداءً من الأطفال في كي جي ون؛ واسمع إلى هذه المحاورة: الأب: عاوزك تجيب سجاير يا توتي.. توتي:الشيخ بيقول السجاير حرام يا بابا....وعمومًا لو مصمم يبقى تجيب جنيه دمغةوما تسألنيش على المذاكرة النهاردة ، ونحاول نشوف رأي أي شيخ تاني!!!!! وفي كي جي تو: المعلمة: عجبتك القصة يا توتي؟ توتي: لأ. حاسس إن فيها مغزى تربوي!!! وفي المدرسة انظر إلى الطلاب والنصائح الغالية التي يتبادلونها: 1- اجعل هدفك في الحياة الراحة والاسترخاء. 2- حِبّ السرير فهو مملكتك الدائمة. 3- ارتاح بالنهار لتتمكن من النوم ليلًا. 4- المذاكرة شيء مقدس لذلك لا تقترب منها. 5- لا تؤجل عمل اليوم إلى الغد طالما يمكن تأجيله لبعد غد. 6- إذا أحسست بالرغبة في المذاكرة ، فاترك جسمك يسترخي قليلًا حتى تزول هذه الرغبة. 7- الامتحان على الأبواب لذلك حاول تنط من الشبابيك. والخريجون الجدد: الأول: لقيت وظيفة؟ الثاني: لأ. للأسف أي مكان أروحه مش مناسب. الأول: ليه مش مناسب؟ الثاني: أصلهم عاوزين يشغلوني معاهم.. وبعدين فيه مشكلة خطيرة في كل مكان أروحه. الأول: خير... الثاني: الستات كلهم متجوزين، ومفيش واحدة تنفع تتعاكس!!!! والبنات الجديدات زماااااااااااااااااااااااااان كانت البنت تعرف معنى واحد للـ ( شات ) لما تكون أمها في مشوار وتخليها هي اللي تطبخ طبعًا حترجع تلاقي الأكل ( شات ) . [ لاحظ أن الطاء تتحول إلى تاء في تصريفهم للفعل ].. ودلوقتي: البنت بتسألني بتقول لي : إنتى بـ ( تتشاتى ) مع مين؟ بصيت لها في بلاهة ( حتى تدلى فكي السفلي على رأي الدكتور نبيل فاروق)، وبعدين لميت نفسي بسرعة وحبيت أعمل مفتحه، وقلت لها: أنا بتشات مع أوباما. صحيح هو لغاية دلوقت ما عملش حاجة بس ممكن في الكام سنة دول نشوف منه جديد. [ بعدخروجي من العناية المركزة أحد الأصدقاء وهو مدرس إنجليزي بيحضر ماجستير في النحو، ودكتوراه في الكمبيوتر فهمني إن ( تتشات ) هو المضارع المستمر لفعل الشباب والبنات في ( السايبر ) ... طبعًا عرفني إن السايبر هو التطورالطبيعي لقهوة كتكوت...] وحتى الشباب الجاد... واحد فيهم عاوز يجرب يشق طريقه بدون انتظار الوظيفة الميري.. بعد البحث المستفيض الذي استغرق منه سنتين عن أفضل مشروع ممكن يعمله ، وبعد دراسات الجدوى والذي منه فتح محل وكتب عليه: ( نجارة الأحذية الكهربية لحلاقة الأقمشة الغذائية ) ....
MiXoLoGY المدير العام
تاريخ التسجيل : 18/10/2010
العمر : 32
موضوع: رد: ما أجمل ألا تفعل شيئًا ثم ترتاح قليلًا السبت 27 نوفمبر 2010 - 12:12
موضوع: ما أجمل ألا تفعل شيئًا ثم ترتاح قليلًا 
السبت 27 نوفمبر 2010 - 0:55
