أد إية الناس ف بلدي طيبين
نصهم عامل مفتح
نصهم ملهوش عينين
لو يعوزوا مايطلبوش
ما يلوموش غير الظروف
ناس بساط عايشين ف بيتهم
زيهم زي الضيوف
أد إية الناس ف بلدي طيبين
ارمي عينك ع المدي
وانت هتشوف البلد
ناس متملكش اللضا
بس بتخاف م الحسد
لو يقولوا ف يوم هنعلي
ع السلالم يرقصوا
كل شيء عمال بيغلي
وهم بس بيرخصوا
أد إية الناس ف بلدي طيبين
البكا يغرق هدومهم
كل أحلامهم تصومهم
يضحكوا ويعدوا يومهم
بضحكتين مش مبسوطين
أد إية الناس ف بلدي طيبين
_________
على مهران
موضوع: أد إية الناس ف بلدي طيبين ل على مهران 
الإثنين 12 سبتمبر 2011 - 2:01
