حلـمت الليـلادى لـ صلاح جاهين

كفراوي اصيل تاريخ التسجيل : 26/10/2010 العمر : 32

حلـمت الليـلادى، بإنـى فـى موقـف رهيب،
بأقـول، والكـلام مـنـى طـالـع نحـيب …
سيـادى القضـاه،
دفاعـى بسـيـط.
كـلامـى مـاهواش غـويط، وماهواش عبـيط
بـسـيــــط،
بسـاطـة هـدوم الغـلابـا الفـقـارى الحُفاه
بـسـيـط، زى اسـم صديق على شفة صديق
بـســيـــط زى دمـعـــة بـــرىء،
بـسـيـط زى وحـش جـعـان فـى الفـلاه،
بسيط زى حفنة دقيق.
سيـادى القضـاه، يا ذمم يا همم يا قمم ياعتاه،
دفــاعى قـــوى.
قــــوى، زى صــــرخة غـريــق،
بيـنده لـقارب نـجاه بيـنده بآخر قواه، للحياه
دفــاعى قــوى زى دِقْــمـاق حـديــد،
قوى زى نظرة وعيد،
قوى زى تمـثال اله،
قوى زى بلطة رجال الحريق فوق بيبان الحريق
سـيادى القضــاه،
سيــادى الكـرام العـظـام الفـخـام العلاه،
دفــاعى مؤيــد،
مــؤيــد بـكــل الكــلام الـعـظـيـم،
بـتـواره، بـإنـجـيـل، بـمـزامـير داود،
بـقـرآن كـريـم.
دفـاعى مؤيد بكل أنين الكمنجات فى كل الوجود
بكل حفيف النسـيم.
بتهْنـيـنة الأمـهـات للـعـيـال فـى المهود،
بصـوت القُـبـل،
وكـــل ابــتسامــة بــحق وحقــيق،
تـؤيـد دفــاعى.
وبـارفـع صباعى الضعـيف وباقول كلمتى …

سـيادى القضـاه،
سيـادى الحـدادى اللـى حايـمة عـلى رمَتى،
ح اقـول كلمـتى.
لكـيـن قبـل مـا انـطـق واقـول كلمتى …
قـولولى انتـوا ..
إيـه تهمـتى .. ؟؟

لـ صلاح جاهين
________________

كفراوي اصيل تاريخ التسجيل : 02/08/2011

كلمات روووووووووووووووعة
وقصيدة جميلة جدا
تسلم ايديكى

كفراوي اصيل تاريخ التسجيل : 26/10/2010 العمر : 32

تسلمى ياحبيبتى يارب

كفراوي اصيل تاريخ التسجيل : 15/11/2010

رووووووووووووووعه يا حبيبتى تسلمى ويسلم زوقك

» على اسم مصر لـ صلاح جاهين
» صلاح الدين الايوبى
» رباعيات صلاح چاهين