كفراوي
زمن عبد الحليم Ezlb9t10


KaFRaWY ... EXPRESS YOUR SELF
 
الرئيسيةالتسجيلدخول

شاطر
 

 زمن عبد الحليم

اذهب الى الأسفل 
كاتب الموضوعرسالة
remo nail
كفراوي اصيل
كفراوي اصيل
remo nail

تاريخ التسجيل : 02/08/2011


زمن عبد الحليم Empty
مُساهمةموضوع: زمن عبد الحليم   زمن عبد الحليم Icon_minitimeالأربعاء 24 أغسطس 2011 - 12:55


فينك يا عبد الحليم
فين صوتك اللى كان
فرح وهموم
وكان سما بنجوم
اللى طلع م القلب
عارف يعيش..ويدوم
فينك يا عبد الحليم
فينك
يا احلا من يغنى الفراق
تيجى تغنى زحمة الشهداء
والدم فى فلسطين
وعلى توب العراق
فينك يا عبد الحليم
فينك يا زارع الحلم
بعد الحلم
بعد الحلم
الدنيا.. ريح.. وغيوم
الدنيا ..موت ..وسموم
ولا حد سامع
صرخة المظلوم
ولا انة المهموم
الدنيا منتظرة صوتك
ومحوشالك هم
اكتر من الايام
الدنيا منتظرة صوتك
ليه رحت قوام
ضاقت مساحة الكلام
والشوك
ما زال يوعد بصحبة ورد
الشوك خسيس
عمره ما يوفى بعهد
الشوك- كما تعرف
خبيث ..خوان
وفجرنا اعمى
ساكت ما لهش ادان
وكل صبح جديد
بحزن قديم
فينك يا عبد الحليم
لا عاد حبيب ينضم
ولا عبير ينشم
ولا ضحكة ملو الفم
هربت ليه يا عم
مش كنت تنتظر الليالى الهم
ملونة فلسطين
بطعم الدم
والضحكة
اناتنا ..اذا تتلم
وكل مانشد الامل
ننشد
الكل راحل .. والجناح منحول
فى غربة تقتل قلبنا المقتول
رحل فى صوتك
احلى ما فى صوتى
ورحل بموتك
فرحتى بموتى
هاربة الحدود وبيطاردها الحد
الاغتصاب
ما لوش حدود ولا حد
كله بيرحل
من دموع الخد
للشهدا
نايمين ع الكتاف .. واليد
ابدان
بطول حزن الحياة ..تتمد
صوت البيوت الطيبة
بتتهد
صرخة وليد اخضر
صرخها بجد
الطيارات
الحراتات
الجرافات
تقتل تاريخ الارض
والحزن
خيط ضى الاسى الممتد
الحزن صاحب حميم
فينك يا عبد الحليم
فينا احنا يا عبد الحليم دلوقت
مين اللى قتل الثانى فينا
احنا والا الوقت
اتعسا فى الحياه
النوم وقلة الانتباه
الصمت والصوت
يبقوا شىء واحد
سكت والا نطقت
الكل فى البعد اتنسى صوته
وانا اللى للصوت القديم
اشتقت
فينك يا عبد الحليم
فات ايه
وامتى
وكام
هل لما غنينا الوطن
كنا بنفرش بيه على الرصفان
وناكل الساقطة من الاغصان
نتجاهل النكسة ورا النكسة
ونندغ التواريخ والاحزان
ويشتم الشاتم
نقول " احسنت
والامة تدخل دايرة التحريم
فينك يا عبد الحليم
انا هنا
اشبه غروب لشعر والاحلام
انا هنا
مطرح ما مديت ايد وقلت سلام
فارش فى ضلة حيرة الايام
انا ياللى كنت مليح
والخلق شردها عويل الريح
الدنيا تزحم فى طريق مسدود
تلف قدامى وخلفى عباد
وكانى مش موجود
وكان عمرى ما خش قلبى ناس
فى وشى تقرا ملامح الامة
الضلمة نور والنور جبال ضلمة
اهتف انادى بحق من غير صوت
اهتف انادى حق
شبعان موت
اتدلدلت فتايل القناديل
واتنجست سجادة المواويل
مهر الفساد
وسط الخلا مفلوت
وباقول يا ليل
ارواحنا متباعة بتمن الموت
كل الجرتح ما تئن
شوقى القديم بيحن
لحبر غير الحير
وشعر غير الشعر
وسن غير السن
ازاى هربت
من البلا الى يجن
وزمن ينسى اللى يئن..يئن
تعال شوف الدنيا
من غير حسن من غير ناس
وانا بنفس الؤم
نفس الطريقة القديمة
فى زحام البكم
بارخى لجامى
واخدع السياس
فينك يا عبد الحليم
مين اللى
هيحصد آهات الارض
ويبلغ الاحساس
انا اللى مسكون بالسكوت
لو موت ..ما نيش ملفوت
وانت
بتضحك جنب منى ..تفوت
الكدب مالى الكون
الكدب ما لوش لون
الكدب ..بلع الالسنة والصوت
مين اللى ردم اللون ده
فى الاحزان
مين اللى ردم الاهل
تحت الهد
مين اللى خان يونس
سؤال فى خان يونس
عليه
ما جاوبنى ابدا..حد
فينك يا عبد الحليم
الامة بتعانى وبتعانى
ما عادتش نفس الامة
نفس الخلق
والكدب
ما عادش زى ما كان ايامك
زما عادش نفس الحق هوة الحق
ارحل باحلامك
رحل زماننا يا صاحبى
قدامى وقدامك
وامتك
بكدبها اتباهت
الامة
فى دروب الاسى تاهت
الامة زى العادة بتعانى
لكن معاناه ..كدب ..برانى
مش زى ما كانت
آدى المسيح
شايل صليب تانى
اظنه غير دكهة
دهه..باهت
عن وصفه عاجزة كل احزانى
والعدرا
من يوم البكا بتبكى
ولدها مقتول
ع الصليب..متكى
الدمع مات
من كتر ما ناحت
كل النسا فى ارض وجيل
ليها ولاد ماتت
العدرا تبكيهم سوا..وتئن
تبكى
وتتدارى ف صليب الابن
يا ام المسيح
من قعدتك قومى
آدى الصهاينة بيمشوا فى دروبى
وقلعونى ..ومشيوابهدومى
والحزن
فى القلب القديم ..فاحت
وف كربلاء
آدى الشهيد..محمول
كل العراق
زى الحسين مقتول
والدنيا فاهمة
وانا اللى لسه غشيم
فينك يا عبد الحليم
اهو زى ما سبتنى
يوم الرحيل ونويت
وسمعت بالموتة وانا
باعبر طريق..ومشيت
ولا كانك مت
كملت خطوى وفت
ما حصلش غير
طراطيش اغانى وضحك
وهموم وطنية
تمر زى الطير
وصوت
ما عادش يدق باب البيت
وانا فى الحقيقة
مش باقول مشتاق
عشان مشتاق
كل الحكاية
فى زنقة الاوطان
وميلة الميزان
لما تخوى حدادى اللوعة
والغربان
كنت انت نافعنى
اذا قلت يا فلسطين او يا عراق
او اغنى احلامنا اللى ضاعوا هباء
وكل يوم اوطان
بيغيبوا فى الاجواء
يغيب عنا الصوت
وتفضل الاصداء
ويتملى الجورنان
بضحكة الاعداء
وقليلة ع الكلب
قولة لئيم
وانا فينك يا عبد الحليم
كتبت سطرين
بس كنت حزين
ادى ورقتى لمين
فينك
نغنى تانى موال النهار
يا صاحب الرحلة ف طريق الشوك
انت ما متش
هم شبعوا موت
المسالة مش صوت
المسالة
هم الجميع يتحضن
المسالة
تترجم المعاناة..وطن
المسالة امتنا فى التيه
تفتكر
وتنتفض
وتعود
تنفض غبار الياس
على رمل الحدود
نمر من باب الوجود
نعيش جنود ونموت حنود
نفضح ونهزم العدو
مازال يحاربنا بكل سلاح غشيم
نفضح ونهزم العدو
نفس العدو الندل القديم
كما فعلنا ف مصر
لاجل النصر
مش ده اللى خلاك فى الضمير
عبد الحليم
قصيدة عبد الرحمن الابنودى
الرجوع الى أعلى الصفحة اذهب الى الأسفل
gege mosa
كفراوي اصيل
كفراوي اصيل
gege mosa

تاريخ التسجيل : 15/11/2010


زمن عبد الحليم Empty
مُساهمةموضوع: رد: زمن عبد الحليم   زمن عبد الحليم Icon_minitimeالأربعاء 24 أغسطس 2011 - 14:46

ايووووووووووووووووووووة فعلا يا ريمووووووووو



عندك حق يا بنتى والله



بس الاهم من ده وده



ان فى جيلكم مطربين الله المستعان فى كلامتهم واغانيهم حاجات لاتتسمع ولا تحس وبيقولوا اى كلام

والاحلى بئى انكم سيبتوا الكلام الهابط ده ورجعتم للزمن الجميل بتاع الاغانى الحلوة

الله عليكى يا ريمو موضوع حلو بجد
الرجوع الى أعلى الصفحة اذهب الى الأسفل
MaI
كفراوي اصيل
كفراوي اصيل
MaI

تاريخ التسجيل : 26/10/2010

العمر : 27


زمن عبد الحليم Empty
مُساهمةموضوع: رد: زمن عبد الحليم   زمن عبد الحليم Icon_minitimeالسبت 27 أغسطس 2011 - 6:35

بجد حلو اوى ياريم فعلا اغانيه حلوه اوى ولسه بنسمعها وبنحبها تسلمى يا ريم على الموضوع
الرجوع الى أعلى الصفحة اذهب الى الأسفل
remo nail
كفراوي اصيل
كفراوي اصيل
remo nail

تاريخ التسجيل : 02/08/2011


زمن عبد الحليم Empty
مُساهمةموضوع: رد: زمن عبد الحليم   زمن عبد الحليم Icon_minitimeالجمعة 23 سبتمبر 2011 - 21:52

ميرسى اوووووووووووووووووووووووى ليكم نورتوا التوبيك
الرجوع الى أعلى الصفحة اذهب الى الأسفل
 
زمن عبد الحليم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كفراوي :: الأدب والروايات :: بقلم شاعر-
انتقل الى:  
المواضيع الأكثر نشاطاً
دعاء
ʂ₥ῖḼ϶ ツ
مود اعضاء كفراوي
صوره وتعليق
25 يناير.. لمن الكلمة اليوم؟
أشتغالااااااااااااات
ليك هنا رساله ملغومه واللبيب بالإشاره يفهم ...
اوجد الاختلافات بين الصورتين
انت لى!!!!!!!!!
انتصار الشعب التونسي .. والرئيس يغادر البلاد
أفضل 10 أعضاء في هذا الأسبوع
أفضل 10 أعضاء في هذا المنتدى
MaI - 2323
زمن عبد الحليم I_vote_rcapزمن عبد الحليم I_voting_barزمن عبد الحليم I_vote_lcap 
gege mosa - 2026
زمن عبد الحليم I_vote_rcapزمن عبد الحليم I_voting_barزمن عبد الحليم I_vote_lcap 
KoKY - 1883
زمن عبد الحليم I_vote_rcapزمن عبد الحليم I_voting_barزمن عبد الحليم I_vote_lcap 
remo nail - 1367
زمن عبد الحليم I_vote_rcapزمن عبد الحليم I_voting_barزمن عبد الحليم I_vote_lcap 
JASMEN - 1202
زمن عبد الحليم I_vote_rcapزمن عبد الحليم I_voting_barزمن عبد الحليم I_vote_lcap 
MiXoLoGY - 1038
زمن عبد الحليم I_vote_rcapزمن عبد الحليم I_voting_barزمن عبد الحليم I_vote_lcap 
abosherif - 452
زمن عبد الحليم I_vote_rcapزمن عبد الحليم I_voting_barزمن عبد الحليم I_vote_lcap 
HOoOoDA - 209
زمن عبد الحليم I_vote_rcapزمن عبد الحليم I_voting_barزمن عبد الحليم I_vote_lcap 
Nana Afify - 148
زمن عبد الحليم I_vote_rcapزمن عبد الحليم I_voting_barزمن عبد الحليم I_vote_lcap 
دودو951753 - 121
زمن عبد الحليم I_vote_rcapزمن عبد الحليم I_voting_barزمن عبد الحليم I_vote_lcap 
المواضيع الأخيرة
» أشتغالااااااااااااات
زمن عبد الحليم Icon_minitimeالخميس 21 يونيو 2012 - 19:00 من طرف DeroOo

» difference between thank you & thanks
زمن عبد الحليم Icon_minitimeالأربعاء 13 يونيو 2012 - 19:17 من طرف DeroOo

»  الفرق بين العشق والحب
زمن عبد الحليم Icon_minitimeالإثنين 11 يونيو 2012 - 20:36 من طرف DeroOo

»  احلى نكته
زمن عبد الحليم Icon_minitimeالإثنين 11 يونيو 2012 - 20:26 من طرف DeroOo

» الشهيد عاطف السادات
زمن عبد الحليم Icon_minitimeالسبت 9 يونيو 2012 - 20:29 من طرف DeroOo

» دنيا سمير غانم تفرج عن صور خطوبتها
زمن عبد الحليم Icon_minitimeالسبت 9 يونيو 2012 - 19:24 من طرف DeroOo

» تصويت بخصوص قسم للمشاكل
زمن عبد الحليم Icon_minitimeالأحد 3 يونيو 2012 - 13:42 من طرف DeroOo

» مود اعضاء كفراوي
زمن عبد الحليم Icon_minitimeالجمعة 1 يونيو 2012 - 12:40 من طرف DeroOo

» خمسين معلومة عن الرسول (صلى الله عليه وسلم)
زمن عبد الحليم Icon_minitimeالجمعة 1 يونيو 2012 - 12:38 من طرف DeroOo

» اعقاد غريبه شويه
زمن عبد الحليم Icon_minitimeالخميس 31 مايو 2012 - 18:49 من طرف HaLa ElGheriany