شفتى يامصر مش بيقولوا علينا ثوار
طبعا ثوار ماهى بلادنا بلاد عرب احرار
اسالوا كل شبر فيها عن امجادنا هايحكيلكم اسرار
دى روايتى لسه على الجدران وصوتها اقوى من صوت النار
وهاحكى من تانى الحكاية يمكن يفهموا العبرة من الرواية
هاحكى من تونس الخضرا وازاى عاشت صابرة
من ليبيا الاحرار احفاد عمر المختار
من سوريا بلاد رجالة وعزيمتهم تهد جبال
من الفلسطين والاقصى بنادى هاترجعى ليا يارض اجدادى
من مصر العروبة واولادها الكرام بايديهم بددوا الظلام
ويقولوا علينا ثوار ماهى بلادى بلاد ابطال
وفى مصر سكت الكلام وصرخ صوت الحق فى الظلام
وشبابك الجدعان حالفين اليمين لترجع من تانى فلسطين
شفتى يامصر ازاى الجدع شال العلم الاسرائيلى
وعلم بلادى بيرفرف مكانه وسالت عن اسم الجدع قالوا عربى مصرى فلسطينى
وياما حكيت الحكاية الف حكاية والف رواية
العبرة من حكايتى انى ياعروبتى بضعف ساعات
وبيبعدنى الظلم عن طريقى مسافات
لكن برجع وبقوم اقوى من كل اللى فات
هى دى الحكاية والعبرة من الرواية
احفظوها ياسادة ياكرام
الشعب العربى شعب ثوار ايوه ثوار
ماهى بلادى كلها بلاد احرار
بقلم أحمد كامل ..
موضوع: بــلاد العــرب بــلاد احــرار .. ツ 
الإثنين 22 أغسطس 2011 - 3:33
