موضوع: ذكرياتى مع رمضان الإثنين 18 يوليو 2011 - 14:28
السلام عليكم ورحمة الله
كل عام وانتم بخير وفى اتم الصحة والعافية
وبمناسبة شهر رمضان الكريم
كل واحد يقول ذكرياته مع رمضان وهو صغير
كان بيصوم بجد ولا لا
وكان بيقول ايه لاصحابه ال فاطرين
وفرحة رمضان اختلفت ولا زى الاول
KoKY كفراوي اصيل
تاريخ التسجيل : 19/10/2010
موضوع: رد: ذكرياتى مع رمضان الإثنين 18 يوليو 2011 - 14:39
توبيك جميل يامحمد بس انا اللي ممكن اقوله ع رمضان اني كنت بخاف جداااااا من المسحراتي كنت دايما احسه انسان فضائي غريب عن البشر العاديين وكنت بترعب لما بسمع صوته ف رمضان وانا صغيره بس لما كبرت وشفته لقيته انسان عادي خالص زينا وبقيت بطلع استناه ف البلكونه كل رمضان
gege mosa كفراوي اصيل
تاريخ التسجيل : 15/11/2010
موضوع: رد: ذكرياتى مع رمضان الثلاثاء 19 يوليو 2011 - 4:38
توبيك رائع يا محمد وانا صغيرة كنت بصوم ساعات لحد الظهر وسعات لحد العصر وسعات لحد المغرب ولكن كنت بصوم اكتر لحد المغرب علشان كنت بشوف اصدقائى وهما صايمين لحد المغرب فانا كنت متشجعه انى اصوم زيهم وفرحة رمضان لم تختفى ابدا واكثر حاجة كنت بحبها المسحراتى بجد موضوع جميل تسلم ايديك وكل رمضان وانت طيب وكل اعضاء المنتدى طيبين
abosherif عصو متألق
تاريخ التسجيل : 23/03/2011
العمر : 38
الموقع : saudi arabia
موضوع: رد: ذكرياتى مع رمضان الثلاثاء 19 يوليو 2011 - 8:37
مبدئياً احييك على الموضوع الجامد ده واهى فرصة نستعيد الذكريا ت الجميله رمضان دايما مرتبط معايا بايام الشتاء يمكن لانى اول مابدءت الصيام كانت ايام شتاء يعنى البردالجامد وطبعا النوم بيكون متاخر ووالدتى تفضل تصحي فيا(يابنى قوم الفجر قرب يابنى قوم اتسحر يابنى .....يابنى ...) المهم انى اصحى قبل الفجر بربع ساعه واهم حاجة ان بروح اصلى الفجر فى المسجد انا وكل اخواتى وبلاقى البلد كلها بتصلى الفجر جماعه بتكون سمه مميزه لرمضان امتلاء المساجد وطبعا بالنهار بيكون اهم حاجة تجمع الاصحاب لانه غالبا بيكون شهر الشغل فيه قليل جدا وكمان بصراحه من اكتر المميزات للشهر ده هو موضوع العزومات كتير بيكون فى عزومات فى رمضان ومحبه بين الاقارب والاصحاب كمان رمضان شهر الحلوياااااااات وهنا لازم نقف لان الحلويات معايا لها اهتمام مختلف واهم حاجة فى رمضان وهى دى فعلا ال بتميز رمضان هو العباده فية يعنى التجرد من اهتمامات الدنيا والانشغال بالقران وصلاه الجماعه والتراويح وقيام الليل والله ياجماعه ما فى افضل من صلاه القيام والتهجد وجو التجمع على طاعه الله وخاصة العشر الاواخر حيث الاعتكاف فى المسجد والتسابق على الاكثار من الطاعه ربنا يبلغنا رمضان ويجعلنا ممن يغفر لهم فيه لكم من كل التحية وعلى فكره ياحماده انت فلتت من عزومة رمضان السنه دى بس برده مش هسيبك لانك هتردها ياريس لما تيجى مكه انا بقولك بس علشان تعمل حسابك
midosamir45 عضو
تاريخ التسجيل : 08/06/2011
العمر : 38
الموقع : السعودية
موضوع: رد: ذكرياتى مع رمضان الثلاثاء 19 يوليو 2011 - 14:22
abosherif كتب:
مبدئياً احييك على الموضوع الجامد ده واهى فرصة نستعيد الذكريا ت الجميله رمضان دايما مرتبط معايا بايام الشتاء يمكن لانى اول مابدءت الصيام كانت ايام شتاء يعنى البردالجامد وطبعا النوم بيكون متاخر ووالدتى تفضل تصحي فيا(يابنى قوم الفجر قرب يابنى قوم اتسحر يابنى .....يابنى ...) المهم انى اصحى قبل الفجر بربع ساعه واهم حاجة ان بروح اصلى الفجر فى المسجد انا وكل اخواتى وبلاقى البلد كلها بتصلى الفجر جماعه بتكون سمه مميزه لرمضان امتلاء المساجد وطبعا بالنهار بيكون اهم حاجة تجمع الاصحاب لانه غالبا بيكون شهر الشغل فيه قليل جدا وكمان بصراحه من اكتر المميزات للشهر ده هو موضوع العزومات كتير بيكون فى عزومات فى رمضان ومحبه بين الاقارب والاصحاب كمان رمضان شهر الحلوياااااااات وهنا لازم نقف لان الحلويات معايا لها اهتمام مختلف واهم حاجة فى رمضان وهى دى فعلا ال بتميز رمضان هو العباده فية يعنى التجرد من اهتمامات الدنيا والانشغال بالقران وصلاه الجماعه والتراويح وقيام الليل والله ياجماعه ما فى افضل من صلاه القيام والتهجد وجو التجمع على طاعه الله وخاصة العشر الاواخر حيث الاعتكاف فى المسجد والتسابق على الاكثار من الطاعه ربنا يبلغنا رمضان ويجعلنا ممن يغفر لهم فيه لكم من كل التحية وعلى فكره ياحماده انت فلتت من عزومة رمضان السنه دى بس برده مش هسيبك لانك هتردها ياريس لما تيجى مكه انا بقولك بس علشان تعمل حسابك
هو انت لسه زى ما انت ذكرياتك كلها مرتبطة بالاكل والعزومات والحلويات والمفروض لما اجى مكه ابقى ضيف عندك ولا ايه يابوشريف
abosherif عصو متألق
تاريخ التسجيل : 23/03/2011
العمر : 38
الموقع : saudi arabia
موضوع: رد: ذكرياتى مع رمضان الثلاثاء 19 يوليو 2011 - 16:19
n]هو انت لسه زى ما انت ذكرياتك كلها مرتبطة بالاكل والعزومات والحلويات والمفروض لما اجى مكه ابقى ضيف عندك ولا ايه يابوشريف [/quote]
ياباشا انت تشرف مكه والله ماهحرمك من حاجة طالما هتدفع بالتى هى احسن وبعدين ياصديقى تبقى ضيف عليا لما تيجى جده اما مكة منطقه محايده يعنى احسن ياعم كل واحد توتو على ........... وانت مبتعلقش غير على الاكل معلقتش ليه على الباقي عموما كفاية عليا انك مريت على التعليق ده دا اكيد كده بقى له قيمة
JASMEN كفراوي اصيل
تاريخ التسجيل : 10/11/2010
موضوع: رد: ذكرياتى مع رمضان الأربعاء 20 يوليو 2011 - 0:38
ذكرياتي مع رمضان كنت دايما انا وصحباتي واخواتي نعمل زينه رمضان عارفين العجينه دي اللي بتتعمل بالدقيق دي ونلصق بيها الورق كنا بنعمل الورق دا علي ايدينا دلوقتي بئي بيتشري معتش في حد بيعمله زينا الزواق دا بيبقي قبل رمضان باسبوع كدا كنا بنقعد نجهز فيه ونذوق الشارع بيه وطبعا بيبقي في عروسه في النص او فانوس بس بصراحه مش احنا اللي كنا بنعمله مكناش بنعرف لسه بيتعمل ازاي
موضوع: ذكرياتى مع رمضان 
الإثنين 18 يوليو 2011 - 14:28
