كفراوي


KaFRaWY ... EXPRESS YOUR SELF
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 بيج "كلنا خالد سعيد"

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
KoKY
كفراوي اصيل
كفراوي اصيل
avatar

تاريخ التسجيل : 19/10/2010


مُساهمةموضوع: بيج "كلنا خالد سعيد"   الخميس 3 فبراير 2011 - 21:03

مساء الخير

ازيكم ياجماعه يارب تكونوا بخير دايما

وربنا يعدي اليومين دول ع خير يارب ان شاء الله

طبعا التوبيك باين من عنوانه انه ع بيج "كلنا خالد سعيد" اللي ع الفيس بوك

البيج دي انا كنت مشتركه فيها بس طبعا سبتها لما عرفت ان ادمنها اللي كان بيحرك كل الشباب مش مصري

تخيلوا بعد ده كله وبعد الضجه اللي حصلت من البيج دي ع اساس ان ادمنها واحد زينا مصري وخايف ع بلده
من نظام فاسد ماسكه ويطلع ف الاخر ان اللي بيحركنا امريكان او اسرائيل

هتقولولي وعرفتي منين انه مش مصري؟؟؟

هقولكوا من ناس كانت ع البيج دي وع تواصل مع ادمنها وادي كلام واحد كان عليها وهو اللي كشفه:-

انا اسف جدا انى اخبركم ان الآدمن بتاع بيج
"كلنا خالد سعيد" خدعنا واستغل طاقتنا فى تخريب البلد لانه طلع مش مصرى
اصلا وعميل وبيعمل كل ده عشان يوقع البلد. ولو مش مصدق فسرلى شوية النقط دي :

------------------
- كل مرة بيعمل بوست على الوول ويقول ...............انا
نازل اهوه عشان مصر & انا رايح المكان الفلانى عشان نوريهم إحنا مين ويلا يا
جماعه عشان بلدنا مصر وبعد نص ساعة او ساعة نلاقيه عامل بوست لمواضيع وايفنتات
ويمسح فى كومنتات مش عاجباه.. طيب ازاى!!
------------------
- معظم الأخبار اللي بينشرها على صفحه "رصد"
بعد يوم ثورة الغضب من فيديوهات او صور تحرض على الانقلاب على الحكم وتنحى مبارك
على العكس فى الأول كان كل المطالب تنحصر فى ارتفاع الحد الأدنى للأجور و رغيف
العيش وعدم توريث الحكم وتعديل الدستور!
----------------
- فى وقت انقطاع النت من مصر كلها لقيناه بيعمل بوست على
الصفحه وكومنتات وقال ايه بيقول انا (شبكت) على النت...!! مش عارف ليه كلمة (شبكت
على النت) دى مش مطمنانى؟؟ وكمان قال انه بعت الرساله ديه وهو فى التحرير وبيروح
يطمن على امه كل شوية!! طيب فين زوجته واولاده من الحوار ده!!
--------------
- طيب ليه (أدمن2) في يوم 26 يناير الساعة 12.41 صباحا حط
بوست قال فيه : للتوضيح " الناس اللي عمالة تنتقد "أدمن كلنا خالد
سعيد" فعلا في التحرير مع الشباب كلهم وأنا الأدمن الثاني وعايش بره مصر وهو
طلب مني أغطي اليوم عشان لو محتاجين نقول للناس أي أخبار مهمة" ... طيب ليه
أدمن خالد سعيد ما غطاش بدال أدمن2 فى اليوم ده لما هو قادر يشبك على النت وهو
مقطوع فى مصر وهو فى وسط التحرير!!
----------------
- قبل كده حط "صورة" لشاب يقفز على عساكر الأمن
المركزي قال فيها: ( اكتشفت امبارح إن مصر مليانة رجالة فعلا مش بيخافوا .. تخيل
لما تبقى بطولك وتهاجم فوق الخمس عساكر أمن مركزي واقفين بعصيانهم ومتدرعين عشان
تفك الحصول عن الناس .. بجد راجل حر .. وتستاهل تدوق طعم الحرية ) ... على فكرة
الصورة اللى بيتكلم عليها دى كانت فى تونس مش فى مصر بدليل ان العساكر لابسين فيها
حاجات بتحمى الرجل والدرع اللى ماسكينه مختلف تماما عن بتاع الامن المركزى المصرى.
----------------
- فى يوم 26 يناير الساعة 7.00 مساء حط بوست قال فيه
"محتاج أبرر لكل الناس موقفي إني النهاردة مش في الشارع .. نزولي للمظاهرات
في حالة عدم وجود عدد بيعرضني لخطر الاعتقال وأنا مش خايف بس محتاجين نحشد الناس
ليوم الجمعة وده دوري الحقيقي دلوقتي .. أنا مستعد أموت في سبيل بلدي وهاعمل كل
حاجة عشان نحررها بس حبيت أوضح لأن فيه ناس عمالة تبعت تشتمني بالايميل وتصفني
بالجبن" ... هو مين يعرفك أصلا عشان يعتقلك؟ وبعدين انت بتطلب من الناس انها
تبقى جريئه وانت ميت فى جلدك؟؟
--------------
- اهم حاجه واخطر حاجه... حط بوست قال فيه: "قبل ما
النت يرجع الداخلية كان عندها نت وغرقت الفيس بوك والصفحة بتاعتنا بناس بتحاول
ترجعنا تاني لزمن الخوف والسلبية والعبودية. مايعرفوش ان الزمن ده انتهى خلاص. مصر
الحرية الكرامة والعزة والعدالة والإنسانية خلاص وصلت. الشباب اللي انتصر على
القنابل المسيلة للدموع والرصاص المطاطي والرصاص الحي مش حيخاف أو يتخدع
بكومنت" .... يعنى حته لو الحكومه عندها نت واحنا ما عندناش يبقى ايه الفايده
ياهبل؟؟؟؟

هو حط البوست ده بس عشان يبرر موقفه لما يقفل الوول بتاع
البيدج ومافيش حد يقدر يحط اى بوست يقول فيه حاجه ضده , مش بس كده دا كمان بيمسح
اى كومنت ضده او مش عاجبه على العكس تماما قبل كده ما كانش بيركز؟


كمان امبارح دخل الادمن وقال


((يا جماعة دي رسالة من شاهد عيان في ميدان التحرير دلوقتي:
جاري حالياً التحضير لإدخال أفواج من البلطجية يحملون أسلحة بيضاء وقنابل مولوتوف
عددهم أكثر من الأعداد السابقة. وشوهد عدد من عربيات الإسعاف حول الميدان تحضيراً
لنقل الجثث. نناشد حضور د. أحمد زويل إلى ميدان التحرير لحمايته))


وقبلها كان قايل انه نازل التحرير دلوقتي طيب ليه بتقول شاهد عيان وانت اصلا موجود ف التحرير؟؟

ولما لقي نفسه اتكشف وكل الناس عماله تشتم فيه راح كاتب

((الحزب الوطني عامل لجنة إسمها: "اللجنة الإلكترونية
لأمانة الشباب في الحزب الوطني" بيدفعوا فلوس كويسة جدا. المطلوب شباب بيفهم
في الكمبيوتر وفيسبوك يدخل يعمل اشتراكات وهمية ويخش على صفحة كلنا خالد سعيد
ويشتم في الأدمن و صفحة كلنا خالد سعيد الحمد لله .. على العموم ردي عليك إني
نازل. السؤال بقه: هو حضرتك بتقبض بالتعليق ولا بالأكونت؟


طبعا بان اوي انه واحد عاوز يخرب البلد ويهدمها ويهيج الناس تاني ده غير كلامه للناس انها كلها لازم تنزل يوم الجمعه
(جمعه الرحيل) وان الكل مش لازم يخاف ولازم كلنا نبقي سوا عشان حسني يمشي


ياريت ياجماعه أي حد ف بيج "كلنا خالد سعيد" يخرج منها ويعملها ريبورت ولو حد عنده اصحاب فيها ينبههم انهم يخرجوا
منها وبرده ممكن تتابعوا الاحداث عادي وانتوا مش عاملين like ليها


وفي بيج جديده ممكن تشتركوا فيها اسمها "كلنا ضد صفحه خالد سعيد" واكيد هتبقي احسن من التانيه اللي ادمنها مش مصري
دي


الايام اللي جايه صعبه اوي ياجماعه ياريت الكل يصلي فيها ويدعي ان ربنا يهدي الدنيا وترجع زي الاول واحسن ان شاء الله














الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
eftekasat
عضو
عضو
avatar

تاريخ التسجيل : 18/12/2010


مُساهمةموضوع: رد: بيج "كلنا خالد سعيد"   الخميس 3 فبراير 2011 - 21:16

انا فعلا قرات الكلام دا النهارده عالفيس
وفي راي تاني بيقول انه رئيس تسويق جوجل
ودا اللينك من جريدة الدستورhttp://eldostor.net/politics/egypt/11/february/2/35824

وسواء كدا او كدا فاللي انا متاكد منه ان عايزين يولعو فالبلد

شكرا علي التنبيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
JASMEN
كفراوي اصيل
كفراوي اصيل
avatar

تاريخ التسجيل : 10/11/2010


مُساهمةموضوع: رد: بيج "كلنا خالد سعيد"   الجمعة 4 فبراير 2011 - 13:18


حسبنا الله ونعم الوكيل
في كل واحد عايز يخرب البلد ويضيعنا

ميرسي يا كوكي ع التنبيه دا

ياااااااااارب مالناش غيرك
ياااااااااااارب ارحمنا واعفوعنا
ياااااااااارب اجعل بلدنا اننا وسائر بلاد المسلمين

ويااااااارب تنتهي الازمه دي
بمايرضيك
ياارحم الراحمين
انت القادر علي كل شيء

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بيج "كلنا خالد سعيد"
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كفراوي :: كلام كـبـــيـر :: فضفضه-
انتقل الى:  
المواضيع الأكثر نشاطاً
دعاء
ʂ₥ῖḼ϶ ツ
مود اعضاء كفراوي
صوره وتعليق
25 يناير.. لمن الكلمة اليوم؟
أشتغالااااااااااااات
ليك هنا رساله ملغومه واللبيب بالإشاره يفهم ...
اوجد الاختلافات بين الصورتين
انت لى!!!!!!!!!
انتصار الشعب التونسي .. والرئيس يغادر البلاد
أفضل 10 أعضاء في هذا الأسبوع
أفضل 10 أعضاء في هذا المنتدى
MaI - 2323
 
gege mosa - 2026
 
KoKY - 1883
 
remo nail - 1367
 
JASMEN - 1202
 
MiXoLoGY - 1038
 
abosherif - 452
 
HOoOoDA - 209
 
Nana Afify - 148
 
دودو951753 - 121
 
المواضيع الأخيرة
» أشتغالااااااااااااات
الخميس 21 يونيو 2012 - 19:00 من طرف DeroOo

» difference between thank you & thanks
الأربعاء 13 يونيو 2012 - 19:17 من طرف DeroOo

»  الفرق بين العشق والحب
الإثنين 11 يونيو 2012 - 20:36 من طرف DeroOo

»  احلى نكته
الإثنين 11 يونيو 2012 - 20:26 من طرف DeroOo

» الشهيد عاطف السادات
السبت 9 يونيو 2012 - 20:29 من طرف DeroOo

» دنيا سمير غانم تفرج عن صور خطوبتها
السبت 9 يونيو 2012 - 19:24 من طرف DeroOo

» تصويت بخصوص قسم للمشاكل
الأحد 3 يونيو 2012 - 13:42 من طرف DeroOo

» مود اعضاء كفراوي
الجمعة 1 يونيو 2012 - 12:40 من طرف DeroOo

» خمسين معلومة عن الرسول (صلى الله عليه وسلم)
الجمعة 1 يونيو 2012 - 12:38 من طرف DeroOo

» اعقاد غريبه شويه
الخميس 31 مايو 2012 - 18:49 من طرف HaLa ElGheriany