كفراوي


KaFRaWY ... EXPRESS YOUR SELF
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 قاموس الروشنه للشباب

اذهب الى الأسفل 
كاتب الموضوعرسالة
KoKY
كفراوي اصيل
كفراوي اصيل
avatar

تاريخ التسجيل : 19/10/2010


مُساهمةموضوع: قاموس الروشنه للشباب    الأحد 31 أكتوبر 2010 - 2:20

(1)أستمورننج
لفظ يقال في الصباح بغرض تناول الطعام أو التدخين ، أو شرب الشاى حتى يفيق الشاب من نعاسه ، مثل " هاروح اعمل أستمورننج علي القهوة وجاى "

(2) الأبلتين لدع في دهاليز الحياة
عبارة تدل علي الخواء أو الفوضى في الحياة ، وغالباً ما تأتى بقصد الفلس

(3) أعمل دماغ
عبارة مشهورة لدى المدخنين ويقصد بها ضبط الحاله المزاجية عند المدخن

(4) أديها جاز
عبارة تقال في مواقف المشاحنات بين الأصدقاء لزيادة حدة المشاجرة ، مثل " أدى الخناقة جاز علشان تولع أو شعللها " سواء بالكلمات أو توجية اللوم لأحد المتشاجرين لكى يثور علي الاخر

(5) أختفى شوية
أى لا تجعل أحد يراك هنا أو أبعد الآن أو أمشى من هنا ، مثل " عاوزك تختفى شوية لحد ما الحياة تعدى " أى لا تظهر نفسك حتى تنتهى المشاكل . أو " أختفى من أمامى الأن .. أى أمشى وأترك المكان لأنى لا أريد رؤيتك

(6)أيه النظام
عبارة بمعنى أيه الموضوع ، ولقد أستغلت الكلمة في أحد إعلانات الموبيل فى نظام كروت الشحن و العبارة تدخل في العديد من الأحداث التى يتسائل فيه الشاب عن الأحداث الجديدة ، مثل " أيه النظام .. النظام في العظام " والعبارة الاخيرة تفيد الأعتراض علي الإجابة بإسلوب فيه عبط وإستهبال

(7) أليط
لفظ بمعنى المتكبر ، الذى يتعامل مع الأخرين بأسلوب فيه تعالى او ينظر الى الاخرين نظره دونية متعجرفة

( another stone
وتعنى بالروشنة " حجر أخر لشاربى الشيشة على المقاهى "

(9) أتشبح
مصطلح بمعنى الضرب لدرجة التعذيب ، وتقال "شبحته " أى أعتديت علية بالضرب المبرح

(10) إتم
والأتامه حسب تعريف الروشنه تعنى الغلاسه والرخامه والتناحه ، وجميع الصفات السيئة التى قد يتصف بها شاب معين .. ويقولون " الإتم جه " أى استعدو لتحمل السماجه التى سوف تظهر من هذا الشاب

(11) أزبهل
لفظ يدل علي الزهول الشديد ويقال " انت مزبهل كده ليه " أى مندهش لدرجة العبط

(12) إحلق
وهو لفظ لا يعنى الذهاب الى الحلاق لقص الشعر ولكنه يفيد تجاهل الغير مثل " أحلق له " أى لا تفكر فيما يقول فهو لا يستحق

(13) أتوبيس راجع بضهره
عبارة يقولها الشباب علي الفتاه الغير جميلة ولها لدى الشباب اسماء اخرى ، مثل " زى الكره الكفر " أو " صب حته واحده "

(14) أعلمه
وهذا مصطلح يعنى التشوية في جزء من الوجه بآله حاده ، مثلما أراد الفنان محمد سعد في فيلم الناظر مع النجم علاء ولى الدين " أعلمك بمطوه يا ابو صلاح ده ختم الصياعه "

(15) أنش
لفظ مختصر لاسم " انشراح الخباثة " وهى شخصية خيالية تعنى الشخصية الساذجة الى درجه الهبل

(16) أملئ التنك
عبارة بمعنى اريد ان اكل لان معدتى خاوية والتنك هنا بمعنى المعده ، أما البنزين او السولار الذى يملأ التنك هنا فهو الطعام

(17) أمبلايز
مصطلح بمعنى " في القشوش " اى ان الموضوع الذى سعيت من أجله لم يتم ، او تعبت علي الفاضى ، وتقال " الحياة في الامبلايز " اى ان الحياة خربانة وفاشلة

(18) أشاعاتى
الشخص القادر علي اصدار الشائعات بمعدل 50 أشاعه / ثانية ، رغبة في التشهير بالاخرين وايهام الغير بالسوء

(19) أبجنى تجدنى
عبارة تعنى " انا يمكن شرائى بالمال " او اعطنى المال لكى انفذ كل ما تطلبة ، وغالباً ما يقولها الموظفين المرتشين او الشاب الذى لا يهمه إلا مصلحته دون الأخرين

(20) أنجز بالونجز
كل المشاكل التى تقابلها لها حل سريع وحاسم ما دمت تدفع المقابل ، والونجز يقولون انها كانت نوع من انواع السجائر قديماً ، لكنها تطلق هنا علي النقود لانها حلالة العقد وسريعة التأثير في انهاء المصالح المتوقفه

(21) أستك
مصطلح يعرفه التجار ويعنى الألف جنية

(22) أرنب
مصطلح شعبى بمعنى مليون جنية .... ويقسمه التجار ورجال الاعمال مثل " نصف أرنب " أى نصف مليون جنية والربع أرنب يعنى الربع مليون جنية اما الورك ارنب فهو المائة الف جنية

(23) أخلع دلوقتى
عبارة تقال كأعلان لرغبتك في رحيل شخصاً ما ، أنهيت الحديث معه ، مثل " أخلع دلوقتى ورايا شغل " أى امشى الان ونتكلم مره اخرى فلدى ما اهتم به غيرك

(24) أتزرع هنا
بمعنى أنتظر هنا ولا تتحرك مثل أى جماد أو شجره وتقال " إتزرع هنا لحد ماجى تانى " أى لا تترك مكانك أو موقعك حتى أعود إليك مهما كانت الأسباب

(25) أعلن فرارى
عبارة بمعنى انوى الإنسحاب من الجلسه او الموقف الذى اعاصره ، وتقال " اسف " انا هأعلن فرارى اى انا ماشى او لن انضم اليكم في الحديث

(26) أتارى
مصطلح يطلق علي السيارات الخفيفة ، لانها تشبه السيارات في العاب الفيديو جيم او الاتارى ، مثل " سياره الشرطه " ويقولوها المدمنين " اجرى يالا عربية الاتارى جاية "

(27) أيه الحياة ؟
سؤال بمعنى ماذا حدث اليوم ، ما هو الجديد في الدنيا .. ما هى اخر الاخبار وكل الاسئلة علي الوضع الحالى

(28) أخلع فرد
عباره مأخوذه من لسان شاب جزمجى ، وتفيد معنى ان من نتكلم عنه قادم

(29) أحنا اللى بهيظنا الفهايص
عباره يطلقها قائد شله الفساد افتخارا بنفسه ومعناها " انا اللى جعلت الجميع يغيب عن الوعى "

(30) أبو الغضب
اسم يفيد معنى الشر او ان هناك نية مبيته بالايذاء ، ويقال اسم ابو الغضب في وشه اى ناوى علي الشر ، اما " ابو الغضب " نفسه فهو شخصية كارتونية شريرة ظهرت في حلقات ( مازنجر ) وعلي غرار المعنى يقال شبية أبو لهب او شبية أبرهه الاشرم وكلها شخصيات شريره

(31) أوزى
لفظ يطلق علي الفتيات الصغيرات الجميلات في المدارس الثانوية والإعدادية وشابه ذلك

(32) أنتر
مصطلح مشتق من الكلمه الانجليزية Enter وهو زر إدخال البيانات في الكمبيوتر ولكنه يأتى بمعنى " لا يعيش له سر او فاضح لاسرار الاخرين " او لديه استعداد للاستدراج في الحديث

(33) أيه البواخه ديه
عبارة بمعنى " ليه الرزاله " والعباره غالباً ما تصدر من الفتيات عندما يعاكسهن الشباب في الشوارع او في محطات المترو

(34) أدعك الفانوس
عبارة بمعنى أختفى الان ، انصرف ، لقد اتممت مهمتك او قلت ما تريد .. مثال " ادعك الفانوس دلوقتى " اى احل بدون ان يراك احد

(35) أنزل من ع المسرح يا نجم
عبارة تقال لشخص يتدخل فيما لا يعنية ويقصد بها " ده مش دورك " اى ليس لك دخل بالموضوع

(36) إنسانى وخد عنوانى
عبارة تفيد عدم المشاركة في اى احداث قادمة او معاصره لموقف معين ، مثل " تحب تروح السيما ؟ لا .. انسانى وخد عنوانى ،،، اى لا اريد الذهاب لاى مكان او جاء ميعاد انصرافى وسوف تجدونى وقت الحاجه مره اخرى

(37) أنف
الشخص المتكبر المغرور الذى لا يتعامل ببساطه مع الاخرين ، بل ينظر اليهم نظره دونية

(38) أهرش
لفظ يفيد " طلع اللى في جيبك " او ادفع لى حتى اقوم بما تريد من خدمه وتقال ايضاً " اهرشنى " اى اعطنى نقوداً في السر او في العلانية

(39) أنزل من علي ودنى
عبارة بمعنى " ابتعد عنى " او انك انسان ثرثار كثير الكلام او " ارحم دماغى " صدعتنى

(40) أوكشه
وهى الفتاه الباهره الجمال او التى تستحق ان يطلق عليها كله " أنثى "

(41) أنتخ
لفظ بمعنى جلس بدون هدف ينتظر الفرج حتى يأتى له ، مثال " انت ها تقعد مأنتخ من غير شغل كتير " والمقوله يردد مثلها الاباء كثيرا للابناء الجالسين بلا عمل بعد التخرج ومعناها ابحث لك عن عمل بدلا من الجلوس الممل لانى لا انوى الاستمرار في منحك مصروف

(42) أشتغله
اى اكله البلوظه او اكذب عليه او اخدعه او استهبل عليه وتقال " انت بتشتغلنى "

(43) أينح
لفظ يدل علي الشخص الذى يجلس في استرخاء وهدوء بدون عمل ويقال " انت مأينح ليه " اى ما هو الشئ الذى تنتظره حتى تحقق ذاتك وتبحث لك عن هدف

(44) أوجو
مصطلح يطلق علي الفتاه التى تخضع لتأثير الشباب بسهوله ، او ذات العلاقات المتعدده مع الجنس الاخر

(45) أدرجى
لفظ يطلق علي محترف الصياعه او " لافف " ويقال انت شاب أدرجى في السوق ، اى بارع في التجارة وتفهم الكثير من خبايا الامور واحيانا تقال للشاب ذات العلاقات النسائية المتعددة

(46) أيحه
لفظ يطلق علي شخصاً ما هو التركيبة السرية لماده البخل او الذى لا يهون عليه صرف مليم

(47) أشايك
مصطلح يفيد التهديد والوعيد بزياده صعوبه العمل والتعب فيه وتقال في حاله غضب الرؤساء من الموظفين الصغر


(48) أرحلك
إنظار صريح بالطرد او النفى ، وسوف اعيدك من حيث اتيت وتقال حينما يخطئ الشاب في من هو اقوى منه مهنياً او قائد المعسكر لشباب في الرحلات


(49) أنت هركليز
عبارة استخفاف تقال للشاب الذى يرى نفسه بطل او المتظاهر بالقوه


(50) أرقدلك
تهديد صريح بالشر ، والترقيد هى النية المبيتة بالشر او الإيذاء

(51) اقعدلى في حته ناشفه
جملة سخرية توجه للشاب الاهبل او الذى يخطئ في الكلام كالأطفال حين يتبولون علي انفسهم علي اعتبار ان الشباب والرجال لا يخطئون ولديهم تحكم ذاتى بالنفس ( الحمام يعنى )

(52) أحط عليك
عبارة لها العديد من الاستخدامات ، فأحياناً تفيد الاستقصاء او نية الايذاء احط عليك في الشغل اى سوف اتصيد اخطاءك حتى اعاقبك واحياناً تقال بمعنى الزياره مثال " هحط عليك بكره " اى سوف ازورك غداً

(53) انت من الكفار
عبارة بمعنى " انت من الاعداء " أى الذى كفر بمبادئ الشله وعهودها والتزاماتها الوشنية ، مثال " مش جاى الديسكو النهارده ؟ فيقول لا .. فيردوا عليه ويقولوا - انت بقيت من الكفار اى المنشقين عنا

(54) أفتكس
كلمه تعنى القدرة علي الاختراع او التأليف في مجالات الحياه المتعدده التى تتسم بطابع العبط والاستظراف مثل " ايه اخر افتكاساتك يا عم ،، اى ما هى اخر اختراعاتك في الحياه

(55) إستوك .. بيتوك
مصطلح يطلق علي الفتاه الجميلة ، وهذا اللفظ يتشابة مع اللفظ الذى ورد في الاغنية الشهيره التى تقول " أيه الأستوك ده ... اللى مش بيتوك ده " اى التى تسير بدلع ودلال أنثوى ليس له مثيل

(56) أستكانيس
لفظ يدل علي الراحه والرفاهيه والمتعه وتقال " انا مستكانيس كده " اى انا مرتاح جداً بهذه الطريقه

(57)ادعك الفنوس

ودة بتتقال لما يكون فى واحد عامل مشاكل والبوليس بيضور علية ودى معنها اختفى
زى الجن الى فى الفنوس اليومين دول

( 58)هنروح المولد
ودى بتتقال على الاماكن الى فيها بنات كتير

(59)خبط في الكلام
عباره يقصد منها توجيه اللوم لشاب حيث يتحدث في اشياء لا تخصه او كان يقصد الشتيمه مثل " انت بتخبط في الكلام " اي تقول كلام لا داعي له

(60)خدوده انش
خدوده انش عباره تطلق علي الفتاه الجميله التي تمتاز بالرقه و النعومه الممتزجه بالخجل

(61) الحته الزفره
عباره تطلق علي الملابس الجديده و تقال " لابس الحته الزفره "اي مرتدي اجمل الثياب بقصد الخروج في ميعاد هام

(62)خرمان
لفظ بمعني انه محتاج الي سيجاره حالا و هو لفظ تعدي حدود الروشنه فهو يستخدم بين الناس و في الافلام و المسلسلات

(63)خلبوص
لفظ بمعني ميه من تحت تبن اي يظهر غير ما يبطن و يقال اللفظ في المواقف التي تظهر فيها حقيقه الشخص الذي امامك

(64)خللو
هو الشخص المصاب بحاله من الجنون او الذي يتصنع العبط و الاستهبال و يتصرف تصرفات غير طبيعيه او مقبوله

(65)خمس
مصطلح يطلقه الشباب الذي ضربه السلك اي الذي اختفت من جيبه النقود و التخميس اما في سيجاره او كوب شاي

(66)خدني تحت جناحك
بمعني ساعدني لاصل الي هدفي و تقال لشخص ذو منصب او ظهرت عليه النعمه فجأه مثل "ياعم خدني تحت جناحك ده احنا غلابه "

(67)دايس عليها القطر
عباره تطلق علي الفتاه قبيحه المنظر لدرجه مبالغ فيها و تقال " البت دي دايس عليها قطر" اي لا تظهر ملامحها و حشه قوي الخ الخ الخ الخ

(68)الدنيا زي ما بتفكك بتظظبطك
عباره بمعني جاء الفرج .....بعد العسر يسر .....زما ضاقت الا ما فرجت ...ربك كريم

(69)دباليمو
مصطلح بمعني ان هذا الشاب صنايع او دبلوم تجاره "دبلوماتك برجلاتك دبله دهب في صباعتك "و هذا يعن ان الدبلوم طريق سريع للشاب ليدخل الي معترك الحياه و العمل باعتبار ان الحاصل علي الدبلوم قد يجد مهنه قبل الجامعي كما ان الفتاه الحاصله علي دبلوم تتزوج قبل الجامعيه و يقولون ايضا "دبلوم العدل" اي دبلوم الزواج

(70)دهاليز الحياه
باره بمعني مشاكل الحياه و معاناتها اليوميه و تقال "الواحد تاه في دهاليز الحياه " اي المشاكل المستمره الدائمه في الحياه

(71)دماغك
لفظ بمعني الانفصال عن الواقع اي الرغبه في تجنب المشاكل "يا عم دماغك" اي انسي المشاكل

(72)دبورو
هنا لا نقصد حشره الدبور بوجه خاص و لكن نقصد صفاته التي امتزجت بتصرفات الشباب مثل الرغي اي الذي لا يكف عن الحديث لكن غالبا ما يأتي ها اللفظ للتعبير عن الفتي الذي ينتقل من فتاه الي اخري اي كثير العلاقات الغراميه

(73)دبلج المسائل
عباره بمعني -صلح المواضيع- حاول ان تخفف الاخطاء او اضبط الامور او خفف حده التوتر الذي سببته

(74)دؤرم
فظ ثناء علي الشخص الذكي او الذي يفهم الكثير او الذي يعرف ما يدور حوله في الخفاء

(75)راح النار
عباره اجابه تقال عندما يسأل الشاب عن شخص ما لا يحبه مثل " احمد فين .....راح النار " اي لا اعلم مش عارف راح في انهي داهيه

-76روشن
أسلوب حياه مختلفة يتبعه أبناء الجيل العزيز حيث يتخلص من التقاليد الباليه المنافية لرغباتهم الشخصية لكي يعيشوا الحياة بأسلوب عصري و تقاليد من اختراعهم

77-رويتر
و هنا لا نعني الوكالة الاخباريه و لكننا نعني الشخص القادر علي حفظ المعلومات أو المثقف و أحيانا ما يهدف من الكلمة الاشاره إلي الشخص الرغاي كثير الكلام المحب للنميمة

78-ريشه
لفظ بمعني خفيف الخفة هنا بمعني الاستهبال ز تصنع المرح و تقال "ريشه يا ناس " أي أنت فاكر نفسك دمك خفيف أو نكاتك تؤثر في الناس و تضحكهم

79-راعيني
لفظ يقوله الشاب حين يظهر رغبته في أن يهتم به شخص ما مثل "راعيني في الشغل يا عم" أي حاول آن تجد لي وظيفة معك

80-زبون
الشخص الواقع في الخديعة أو الذي يمكن استغلاله مثل "خبط مصلحه من الزبون " أو " أنت زبون " أي يسهل خداعك

81-زلومه
لفظ يطلق علي الشخص الذي يدس انفه في كل كبيرة و صغيره أو بالبلدي " الحشري " و تقال " شاب بزلومة " و أحيانا تعني صاحب الأنف الكبير

82-زوغ
لفظ يعني " هوب " و له استخدامات عديدة مثل " زوغت امبارح من الجامعة " أي لم اذهب إلي الجامعة و خرجت مع الشلة في مكان ما أو " زوغت من فلان " أي هربت منه

83-زبله
لفظ بمعني القصير الذي ليس له أي أهميه
84-زغابه
لفظ بمعني جمهور من الناس أو عدد كبير من الناس و تقال " ناس إيه.. زغابه " إي لا يمكن عدهم

85-زغروف
اسم يطلق علي المخدرات

68- وتكه
تقال لبنت جامدة شديدة يعني –

87- سهن
دي لما يكون واحد عامل حاجه كويسة تقوله أنتا واد سهن أو أنتا شاب بيــــــس

88- سلاحف
دي بدل سلام وسلا موز والحوارات دي

89- تصبح علي جنب
دي بدل(( تصبح علي خير )) والرد (( وأنتا عالجنب التاني )) بدل وأنتا من أهله

99- هخرتأك - هعرقبك
دي بدل هضربك او هعلقك وكده يعني في العراك الهزار يعني –

100- يابن الحنكة
ودي بقي مش عارف معناها والله بس ساعات بتتقال قدامي –

101- انا في السلنكاتيه
يعني انا قشطه أوي كده -- مش فاكر بس دي بقي علي المستوي البيئي الحاجت البساكيت دي بكره بقي وباقي البيئه برده بك

102- زرقانا
لفظ يطلق علي الفتاه السمراء لدرجه السواد الذي يخفي المعالم و الملامح

103- زمبوقه
لفظ بمعني "صاحب الانف الكبير او صاحبه الانف الضخم و الزمبوقه اساسا هي بوز الشفشق او الكوز الكبير الذي كان يشرب منه العرب قديما

104- ستف تمام
عباره تدل علي جوده المخدرات
105- سبوبه
و تعني العمل السريع او العمل الاضافي مثال " عندي سبوبه " عندي عمل اضافي

106- ساستمني
لفظ مشتق من الكلمه الانجليزيه system بمعني نظام لكن اللفظ يعني اشرح لي .. عرفني.. اكشفلي الحقيقه

107- سكاموزه
لفظ بمعني .. دي صديقتي مثل " ايه يا سكاموزه " يعني عايزه ايه

108- سلوع
لفظ بمعني رفيع جدا جدا

109-المكنه مرززعه
والكلمه دي حرفين زين عشان الشده علي الزين للنطق صح ومعناها ان مجنون وبيقول اي كلام

110-في السفلكه
يعني مش تمام او ضايع وبرده في شده علي اللام

111- في الزربو zerebew
ده عشان النطق بس ومعناه برده ضايع خالص او ملوش لزمه

112-واقع من ع السطح او واقع من ع البرج
معناه ان الشخص همدان وتعبان(مثلا انا النهرده واقع من ع السطح من كتر الشغل )

113-انشكح
معناه فرح اوي او حاسس بارتياح بسبب خبر معين
مثلا (انت مالك انشكحت كده ليه يا عم)

114-شد الرحال
معناه يلا اانك عايز توزع واحد او تمشيه مثلا يلا يا عم شد الرحال بقي وطرئنا

115-فورتيكه
وبتتقال علي البنت الجامده اوي يعني البت دي فورتيكه مثلا

116-جرم
وده معناه ان الشخص ده طول بعرض يقول مثلا ده عيل جرم يا عم

117-ارمي الزهر
وده مصطلخ معناه حاول مره تانيه او متيأس يعني

118- فكك من اللي بيشكك
معناه سيبك من كل الكلام ده ومن الخبار دي كل ده ملوش لزمه عندي
مثلا -يا عم فكك من اللي بيشكك انا جبت من الاخر معاه

119-هتش
معناه ان الكلام هبل وتافه وملوش لزمه
مثلا--يا عم كل ده هتش -فكك مني

120--سكتم بكتم
معناه اسكت خالص ومتنقلش الكلام ده عشان سر وزيها برده ----سكرت علي الحوار

اما بقا لو واحد مجرم وصايع جدا مثلا فبنقول علية .. .. منها ( حبسجي ) ( حملجي ) ( قلبه ميت ) ( في الطراوة

ايه ده انتوا بتقولوا الكلام ده ياشباب؟؟
Very Happy



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MiXoLoGY
المدير العام
المدير العام
avatar

تاريخ التسجيل : 18/10/2010

العمر : 27


مُساهمةموضوع: رد: قاموس الروشنه للشباب    الخميس 11 نوفمبر 2010 - 1:12

هههههههههههههه

والله حاجات كتير الواحد بيقولها من الحاجات دى على ان ليها معنى وطلع ليها معنى تانى Very Happy Very Happy

دا جالك طولة بال تعملى القاموس دا ازاى ياكوكى؟؟ :drunken:

تسلم ايديكي ياكوكى جااااااامدين :bball:




I like your smile
I like your vibe
I like your style
But that's not why I love you
And I, I like the way, you're such a star
But that's not why I love you
You're so beautiful
But that's not why I love you

I'm not sure you know
That the reason I love you
is you, Being you, just you



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.kafrawy.tk
JASMEN
كفراوي اصيل
كفراوي اصيل
avatar

تاريخ التسجيل : 10/11/2010


مُساهمةموضوع: رد: قاموس الروشنه للشباب    الثلاثاء 16 نوفمبر 2010 - 4:37

ايه الكلام ده انا نسيت الكلام العادي بجد اتلخبط
دي لغه ايه دي
طيب بتفهموها ازاي
حاجات غريبه جدا

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
KoKY
كفراوي اصيل
كفراوي اصيل
avatar

تاريخ التسجيل : 19/10/2010


مُساهمةموضوع: رد: قاموس الروشنه للشباب    الأحد 21 نوفمبر 2010 - 13:27

MiXoLoGY كتب:
هههههههههههههه

والله حاجات كتير الواحد بيقولها من الحاجات دى على ان ليها معنى وطلع ليها معنى تانى Very Happy Very Happy

دا جالك طولة بال تعملى القاموس دا ازاى ياكوكى؟؟ :drunken:

تسلم ايديكي ياكوكى جااااااامدين :bball:
عملتوا عشان تستفيدوا ياطارق وتتعلموا الكلام الصح Smile
وفعلا انا اكتشفت ان ف حاجات كتير بتتقال وبسمعها بس ف حاجات حلوه مش بشعه يعني Smile

تسلم ياكبيرنا ع المرور الجميل



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
KoKY
كفراوي اصيل
كفراوي اصيل
avatar

تاريخ التسجيل : 19/10/2010


مُساهمةموضوع: رد: قاموس الروشنه للشباب    الأحد 21 نوفمبر 2010 - 13:30

JASMEN كتب:
ايه الكلام ده انا نسيت الكلام العادي بجد اتلخبط
دي لغه ايه دي
طيب بتفهموها ازاي
حاجات غريبه جدا

ههههههههههههههههه
دا العربي الجديد ياياسمين Smile
نورتي ياجميل



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
JASMEN
كفراوي اصيل
كفراوي اصيل
avatar

تاريخ التسجيل : 10/11/2010


مُساهمةموضوع: رد: قاموس الروشنه للشباب    الخميس 25 نوفمبر 2010 - 16:08


ميرسي ليكي يا قمر
بس حاجه تنرفز ايه دا
ولو مش فهمتي الكلام دا يقولو عليكي قديمه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
قاموس الروشنه للشباب
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كفراوي :: منطقة الأولاد :: كلام ولاد-
انتقل الى:  
المواضيع الأكثر نشاطاً
دعاء
ʂ₥ῖḼ϶ ツ
مود اعضاء كفراوي
صوره وتعليق
25 يناير.. لمن الكلمة اليوم؟
أشتغالااااااااااااات
ليك هنا رساله ملغومه واللبيب بالإشاره يفهم ...
اوجد الاختلافات بين الصورتين
انت لى!!!!!!!!!
انتصار الشعب التونسي .. والرئيس يغادر البلاد
أفضل 10 أعضاء في هذا الأسبوع
أفضل 10 أعضاء في هذا المنتدى
MaI - 2323
 
gege mosa - 2026
 
KoKY - 1883
 
remo nail - 1367
 
JASMEN - 1202
 
MiXoLoGY - 1038
 
abosherif - 452
 
HOoOoDA - 209
 
Nana Afify - 148
 
دودو951753 - 121
 
المواضيع الأخيرة
» أشتغالااااااااااااات
الخميس 21 يونيو 2012 - 19:00 من طرف DeroOo

» difference between thank you & thanks
الأربعاء 13 يونيو 2012 - 19:17 من طرف DeroOo

»  الفرق بين العشق والحب
الإثنين 11 يونيو 2012 - 20:36 من طرف DeroOo

»  احلى نكته
الإثنين 11 يونيو 2012 - 20:26 من طرف DeroOo

» الشهيد عاطف السادات
السبت 9 يونيو 2012 - 20:29 من طرف DeroOo

» دنيا سمير غانم تفرج عن صور خطوبتها
السبت 9 يونيو 2012 - 19:24 من طرف DeroOo

» تصويت بخصوص قسم للمشاكل
الأحد 3 يونيو 2012 - 13:42 من طرف DeroOo

» مود اعضاء كفراوي
الجمعة 1 يونيو 2012 - 12:40 من طرف DeroOo

» خمسين معلومة عن الرسول (صلى الله عليه وسلم)
الجمعة 1 يونيو 2012 - 12:38 من طرف DeroOo

» اعقاد غريبه شويه
الخميس 31 مايو 2012 - 18:49 من طرف HaLa ElGheriany