كفراوي


KaFRaWY ... EXPRESS YOUR SELF
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 ضد الفلاحين.. ع الفيس بوك!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ELDeeb_Only
عضو
عضو
avatar

تاريخ التسجيل : 01/01/2011

العمر : 27

الموقع : http://www.facebook.com/profile.php?id=100001991757156

مُساهمةموضوع: ضد الفلاحين.. ع الفيس بوك!    الخميس 14 أبريل 2011 - 0:11


ضد الفلاحين ... ع الفيس بوك !












"يا
فلاح".. "ده مكر فلاحين".. "جاي من ورا الجاموسة".. كلها ألفاظ وجمل
يرددها كثيرون عندما يريد شخص تحذير آخر من التعامل مع من يأتي من الريف،
وكأن من يردد تلك الألفاظ ترجع أصوله إلى لعرق تركي أو أصل أوروبي.. فأغلب
المصريين من أصول ريفية أو صعيدية، ونادراً ما تجد شخصاً من عائلة "قاهرية
المنشأ".

تداول مثل هذه الألفاظ في الشوارع مصر وفي تعاملات
المصريين، جعلت كثيراً من الشباب يعتقدون أن الفلاحين من أصول غير أصولنا
وكأنهم من "كوكب تاني"، فإذا تصفحت الفيس بوك، ستجد عدداً من المجموعات
تناهض وتضطهد وجود الفلاحين في مصر، فكلمة "فلاح" في عرف هؤلاء "شتيمة"،
ولذلك لا يجب الحفاظ على فصيلة الفلاحين داخل الأراضي المصرية!


خليكم في بلدكم


ويمكنك أن تحصي 7 جروبات تعلن كراهية للفلاحين صراحة، ومنها "الحملة
القومية للقضاء على الفلاحين" و"رابطة كارهي الفلاحين"، بالإضافة إلى أكبر
جروب من هذا النوع والذي يدعى "إدارة مكافحة الفلاحين"، حيث ضمت المجموعة
مئات الشباب المؤيدين لتلك الأفكار، رافعة شعار "خليكم في بلدكم أحسن من
قرفكم".

وتناولت تلك الحملات الفلاحين بالعديد من الصفات التي يصعب
وصفها، فمثلاً كتب كريم سيد أحمد، على حائط wall إحدى المجموعات مؤكداً أن
الفلاحين من أصل غير مصري، واستدل على ذلك بالعيون الملونة والشعر الأصفر
قائلاً: "أعوذ بالله منهم ومن أفعالهم.. كفاية ملابسهم النتنة ورائحتهم
المعفنة وألوان ملابسهم المؤذية للعين"!

كما تخصص عدد من تلك
المجموعات أقساماً خاصة أو Discussion Topic عن النكات التي تتردد عن
الفلاحين، في حين ينشر زوار وأعضاء تلك الجروبات العديد من القصائد
والإشعار بل والأغاني التي تسخر من الفلاح وتلقبه بأسوأ الألفاظ، لدرجة أن
شاباً كتب شعراً يصفهم فيه بالوباء، ويشبههم بيهود ألمانيا، حتى أن أحدهم
رد عليه بسخرية مطالباً الدولة بإعدام الفلاحين في أفران غاز مثلما حدث مع
اليهود في فترة حكم هتلر.


مين بيأكلكم؟!


ونتيجة لهذه الاقتراحات العنصرية، ظهرت أصوات عديدة من داخل تلك
المجموعات تنبذ فكرة السخرية من الفلاحين أو حتى التعميم، ومنهم عبدالله
الجزار، الذي كتب مؤكداً أنه يتضامن من حيث المضمون مع حملة اضطهاد
الفلاحين، لأنهم، كما يرى عبدالله، يتمتعون بصفات الجهل والمكر والنفاق،
لكن عبد الله أكد للجميع ضرورة التفرقة، فليس كل الفلاحين كذلك، مشيراً إلى
أن الفلاحين الذين يحاولون الانقلاب على أصولهم ويلقون بالفأس والجلابية
وينتقلون للمدن هم من يشوهون صورة الفلاح.

فيما عبر سمير عبد المحسن
عن رأيه وكتب ينتقد الحملة قائلاً: "أمال مين اللي بيأكلكم.. مش
الفلاحين"، وأضاف سمير مؤكدا على اعتزازه بكونه من أصول ريفية: "أنا لسه
راجع من مصر بالجلابية دون كسوف أو إحراج".

أما عبد اللطيف خلاد،
فأكد أن الفلاح هو أساس الحياة، وقال: "الفلاح في أهميته مثل الماء
والهواء.. ثم قولوا لنا ماذا سيحدث لو اختفى الفلاح كما تريدون، الناس
هتاكل منين وتشرب منين.. طبعا هاتقولوا نستورد من بره.. نسيتوا القمح
الفاسد؟".

وأضاف عبد اللطيف أنه يعتز بكونه من الفلاحين، وقال: "لم
أعتد على تغيير طباعي وأسلوب حياتي حتى داخل الجامعة، فحتى اللهجة التي
أقلع عنها كثيرون من أصدقاء دراستي مازلت أنطق بها حتى الآن على الرغم من
أنها كانت السبب في ابتعاد البعض عني، وعلى فكرة أنا رفضت الارتباط بإحدى
زميلات الجامعة؛ لأنها طالبتني بالتخلي عن أسلوبي الفلاحي ولغتي وهو ما رفض
التخلي عنه.


السبب: أسرة محمد علي


وعن هذه الظاهرة، يعلق د.سامي النجار، أستاذ علم الاجتماع بجامعة
الزقازيق، مؤكداً أن النظرة الدونية تجاه الفلاحين قد تولدت من فترة ولاية
أسرة محمد علي التي عرفت سياسة الإقطاع التي ميزت بين صاحب الأرض وزارعها،
حيث سمي الفلاحون بالعبيد أو أقنان الأرض.

ومثل هذه الظروف
التاريخية حولت فكر الفلاح إلى إنسان أكثر حرصا على المال، فقد كان أجداده
يعانون من القهر والظلم وعدم الاطمئنان للرزق، فكل صاحب أرض يمكنه طرد
الفلاح من أرضه في أي وقت، ولذلك بدأ الفلاح يتعامل بحرص أكثر في كلامه
وأفعاله وفي تصرفاته المالية، وهي صفات توارثها فلاح اليوم، وللأسف عادت
سياسة الإقطاع من جديد مع أزمة اقتصادية طاحنة تجعل الفلاح وغيره أكثر
حرصاً على وظيفته، فالموظف في الحكومة أو في القطاع الخاص لديه خبث ونفاق
ومكر وحرص أكثر من أي فلاح لأنه يخاف على لقمة عيشه، ولذلك لا يجب أن نصف
الفلاح بأوصاف تعيب كل واحد فينا أكثر منه.

ويشير د.سامي إلى أن
الاغتراب الثقافي الذي يعيشه الشباب، فهو يرى سلوكيات ومظهر وملبس الأجانب
في الأفلام الأمريكية فيحزن على حال بلده، وبدلاً من أن يبدأ بنفسه يستسهل
كثيرون ويلقون باللوم على الفلاحين كأنهم هم الذين خربوا البلد، مع أن كل
منا ساهم في تدمير هذا البلد.

ويؤكد د.سامي النجار، أستاذ علم
الاجتماع بجامعة الزقازيق، أن الإعلام لعب دوراً كبيراً في تكريس تلك
الفكرة في أذهان الشباب، فالأفلام والمسرحيات أظهرت الفلاح في مظهر سيء
يثير الضحك والرثاء وهو ما كرس تلك الصورة الذهنية الخاطئة لدى عقول
الكثيرين، رغم أن معظم مثقفي وشيوخ وكبار رجال الدولة تربوا في الريف
المصري، وكل منهم له أب فلاح زرع وحصد ولبس الجلباب، وكثير من مثقفينا
تعلموا في الكتاتيب التي تنتشر في ربوع كل ريف في محافظات مصر، كما أن شباب
الفيس بوك الذين كتبوا تلك التعليقات الساخرة، جاءت عائلاتهم أساساً من
الأرياف ولذلك يختم د.سامي كلامه بقوله: "من فات قديمه تاه"





والله العظيم فى زمان داية واحسن واكتر ناس محترمين والكل يعرفة كدة
انا من الفلاحين ابن فلاحيين ابن ابن فلاحيين وعايش فى بلد فلاحين وافتخر بهذا
ويكفى
اووى الا شوفتوا من ترابط وخوفنا على بعضنا اثناء الصورة هنا عندنا وفى كل
مكان فى مصر لانى كل مكان فيه فلاحيين وشوفوا برة بيتعملوا معاهم ازى من
الموضوع
كما ارجو يكون الموضوع عجبكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ELDeeb_Only
عضو
عضو
avatar

تاريخ التسجيل : 01/01/2011

العمر : 27

الموقع : http://www.facebook.com/profile.php?id=100001991757156

مُساهمةموضوع: رد: ضد الفلاحين.. ع الفيس بوك!    الخميس 14 أبريل 2011 - 0:25

واضافة كمان للموضوع لليى بيقول انى الفلاحين جاهلين بامور دينهم
داية كان زمان وزمان كان ن ثلاث اربع البلاد قلاحين لكن الان الفلاحين يشاهدون التلفزيون والكمبيوتر وكافة الاجهازة الحديثة ويستخدمونها فى مزارعهم وفى بيوتهم وكلنا لاحظنا او سمعنا ذلك فبالتالى اصبحوا يعلمون امور دينهم ومنهم من نال تعليمهو المتوسط او الادنى او منهم التعليم العالى وبذلك لم يعد بينهم فرق وبينا من يعيشون فى المدون يعلمون امور دينهم
وفى يوم وانا راكب للكلية لحظة راجل يصلى فى الارض والله وسط الزرع وكانت صلاة الضحى فى ذلك الوقتعلى سبيل المثال
واقول انا لاهل المدن حياتهم الطبيعية مثل لاهل الريف
وكل اللى انا ذكرتوا او قولتوا هو داية وجهة نظرى والاختلاف فى الراى لا يفسد للود قضية
لا كل الناس مدنيون بالطبع ولا كل الناس ريفيون بالطبع
شكرا واسف للاطالة..وعايز كل واحد لو عجبوا الموضوع او الفكرة يقول وجهة نظرة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
gege mosa
كفراوي اصيل
كفراوي اصيل
avatar

تاريخ التسجيل : 15/11/2010


مُساهمةموضوع: رد: ضد الفلاحين.. ع الفيس بوك!    الخميس 14 أبريل 2011 - 2:19

موضوووووووووووووع حلووووووووووو


اوووووووووووووووووى

تسلم ايديك

يااحمد

بس عارف انا اول مرة اسمع بالموضوووووووووووووع دة

بس ردى الوحيد للناس غير المعترفة بفضل الفلاح

اننا كفاية اننا بناكل من زرع يدية ومن غيرة كان ممكن مش نلاقى

اى حاجة ناكلها سواء كانت فاكهة او خضارررررررررر

ودة بيكون فضلة على البلد

كبير

وواجب علينا نحترمة ونقدرة زىة زى الدكتور -----المهندس ----- الضابط ---



لايقل ابدااااااااااااا عنهم لان من غيرة المجتمع

لايستطيع ان يعيش لان المجتمع عبارة عن مجموعة ادوار وكل واحد بيقوم بعملة علشان يكون فى تكافىء


واكيد كلنا لما بنروح الارياف

عند اى حد قريبنة او حد نعرفة بنحس اداية ان الفلاح دة طيب اووووووووووووووووى

وبيتعب اداية علشان

يوفرنا الفاكهة الحلوة الى احنا بنحبها

او الخضار الطازج الى بنحبة

اوكوب اللبن او الجبنة البيضا الفلاحى دى

الجميلة

ربنا يقدرننا جميعااااا اننا نقدر نرد للفلاح دة حقة مش


نعمل فية كدة ونوبخة

دة حرام بجد

مش معقول يا جماعة يكون دة ردنا

على كل حاجة حلوة هوة بيوفرهنا

موضوووووووووووووع رائع يااحمد تسلم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
MiXoLoGY
المدير العام
المدير العام
avatar

تاريخ التسجيل : 18/10/2010

العمر : 27


مُساهمةموضوع: رد: ضد الفلاحين.. ع الفيس بوك!    الخميس 14 أبريل 2011 - 23:33

امممممممممممممممم

لا ياشيخ

والله اللي مش عاجبه الفلاح مياكلش
لان السبب في الاكل اللي بياكله فلاح

ماياكلش تفاح ولا اناناس ولا موز لانهم من ايد فلاح

مايشربش شاي ولا قهوه ولا مانجه ولا اورنج فريش علشان جايه من ناس ياي فلاحين

مايلبسش من كونكريت هدوم قطن وكتان مصري اغلي حاجه علشان اللي وداهم للمصنع كان فلاح

يستعر من الاهرامات ومايروحش يشتي في الاقصر واسوان علشان الغراعنه كانو فلاحين

سعد زغلول واحمد عرابي والسادات وغيرهم وغيرهم كانو فلاحين

هو نفسه اصله فلاح لان مافيش حد مصري مالوش اصل فلاح


وبالنسبه لريحتهم والكلام اللي بيقولوه دا
فهو عند ربنا افضل من ريحة المسك

تسلم ياحمد بس هما جهله فعلا




I like your smile
I like your vibe
I like your style
But that's not why I love you
And I, I like the way, you're such a star
But that's not why I love you
You're so beautiful
But that's not why I love you

I'm not sure you know
That the reason I love you
is you, Being you, just you



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.kafrawy.tk
MaI
كفراوي اصيل
كفراوي اصيل
avatar

تاريخ التسجيل : 26/10/2010

العمر : 25


مُساهمةموضوع: رد: ضد الفلاحين.. ع الفيس بوك!    الجمعة 15 أبريل 2011 - 0:50

ياه بجد على مستوى التفكير للناس دى
الفكره مش فكره مين اللى بيزرع وبيأكلنا الفكره انهم حتى لو مكانوش مفيدين فى المجتمع وملهومش اى لازمه
بأى حق حق يحكوموا كده ويهينوهم كده
الحكايه ان مينفعش نتعامل كده مينفعش كلنا زى بعض مع اختلاف ظروف كل منا
ومين منا مالوش اصول من الريف وده بجد فخر لينا كلنا
مش هافدر اقول غير انهم بتفكيرهم ده بجد صعبانين عليا
مناقشه وموضوع مهم جدا يا احمد تسلم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
JASMEN
كفراوي اصيل
كفراوي اصيل
avatar

تاريخ التسجيل : 10/11/2010


مُساهمةموضوع: رد: ضد الفلاحين.. ع الفيس بوك!    الإثنين 18 أبريل 2011 - 14:21

موضوع مهم جدااااااااا
بس بصراحه اول مره اقرا حاجه زي دي
وكمان الموضوع ده نرفزني جداااااااااا
بس فعلا دول ناس محتاجه علاج
لان الانسان المغرور او المتكبر او المتعالي
لازم يروح لدكتور نفسي
لانه بيكون محتاج علاج
وكمان تفكيرهم محدود جدااااا
وبعدين دي ناس بتاخد بالمظاهر
وناس مغروره جداااااااااااااا وناس تافهه اووووووووووووووي
(وان الله لايحب كل مختال فخور)

وبعدين لو مكنش الفلاح مهم في مصر
مكنوش عملوا نقابه جديده
لدعم الفلاح المصري
حيث قام رئيس الوزرا الجديد (عصام شرف )
بانشاء اول نقابه للفلاحين في مصر
يوم 14/4/2011
وكمان بيدعوهم الي الانضمام لهذه النقابه
لتشجيعهم ع تطويرالعمليه الزراعيه وتحقيق افضل عائد من المنتجات الزراعيه

لو مكنش مهم كانوا عملوا النقابه دي ليه ؟؟؟؟؟؟؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ELDeeb_Only
عضو
عضو
avatar

تاريخ التسجيل : 01/01/2011

العمر : 27

الموقع : http://www.facebook.com/profile.php?id=100001991757156

مُساهمةموضوع: رد: ضد الفلاحين.. ع الفيس بوك!    الإثنين 18 أبريل 2011 - 23:34

[quote="gege mosa"]موضوووووووووووووع حلووووووووووو


اوووووووووووووووووى

تسلم ايديك

يااحمد

بس عارف انا اول مرة اسمع بالموضوووووووووووووع دة

بس ردى الوحيد للناس غير المعترفة بفضل الفلاح

اننا كفاية اننا بناكل من زرع يدية ومن غيرة كان ممكن مش نلاقى

اى حاجة ناكلها سواء كانت فاكهة او خضارررررررررر

ودة بيكون فضلة على البلد

كبير

وواجب علينا نحترمة ونقدرة زىة زى الدكتور -----المهندس ----- الضابط ---



لايقل ابدااااااااااااا عنهم لان من غيرة المجتمع

لايستطيع ان يعيش لان المجتمع عبارة عن مجموعة ادوار وكل واحد بيقوم بعملة علشان يكون فى تكافىء


واكيد كلنا لما بنروح الارياف

عند اى حد قريبنة او حد نعرفة بنحس اداية ان الفلاح دة طيب اووووووووووووووووى

وبيتعب اداية علشان

يوفرنا الفاكهة الحلوة الى احنا بنحبها

او الخضار الطازج الى بنحبة

اوكوب اللبن او الجبنة البيضا الفلاحى دى

الجميلة

ربنا يقدرننا جميعااااا اننا نقدر نرد للفلاح دة حقة مش


نعمل فية كدة ونوبخة

دة حرام بجد

مش معقول يا جماعة يكون دة ردنا

على كل حاجة حلوة هوة بيوفرهنا

موضوووووووووووووع رائع يااحمد تسلم


على كل حاجة حلوة هوة بيوفرهنا

عندحق والله يا جيجى فى كل كلمة
الاحترام مطلوب تبادلة بين كافة طبقات وتقدير مجهود بعضنا البعض لانى لا كل الكويسين اطباء مثلا ولا كل الكوويسين فلاحيين فى كل مهنة كدة وكدة ولله فى خلقة شؤن
ردك جمييييييييل والله واضافة جميلة للموضوع ..
تسلمى يا جيجى

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ELDeeb_Only
عضو
عضو
avatar

تاريخ التسجيل : 01/01/2011

العمر : 27

الموقع : http://www.facebook.com/profile.php?id=100001991757156

مُساهمةموضوع: رد: ضد الفلاحين.. ع الفيس بوك!    الإثنين 18 أبريل 2011 - 23:41

[quote="MiXoLoGY"]امممممممممممممممم

لا ياشيخ

والله اللي مش عاجبه الفلاح مياكلش
لان السبب في الاكل اللي بياكله فلاح

ماياكلش تفاح ولا اناناس ولا موز لانهم من ايد فلاح

مايشربش شاي ولا قهوه ولا مانجه ولا اورنج فريش علشان جايه من ناس ياي فلاحين

مايلبسش من كونكريت هدوم قطن وكتان مصري اغلي حاجه علشان اللي وداهم للمصنع كان فلاح

يستعر من الاهرامات ومايروحش يشتي في الاقصر واسوان علشان الغراعنه كانو فلاحين

سعد زغلول واحمد عرابي والسادات وغيرهم وغيرهم كانو فلاحين

هو نفسه اصله فلاح لان مافيش حد مصري مالوش اصل فلاح


وبالنسبه لريحتهم والكلام اللي بيقولوه دا
فهو عند ربنا افضل من ريحة المسك

تسلم ياحمد بس هما جهله فعلا


تسلم انت يا طارق باشا والله مرورك وردك منور الموضوع ومنورنى انا شخصين وردك جميييييييييييييييييييل جدا والله
وعندك حق مين فين ملوش اصل من الفلاحيين من اصغر ولد فى الدولة الى رئيس الدولة
وكلام وتقديرللموضوع جمييل جدا وراى صريح يجب احترامة..



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ELDeeb_Only
عضو
عضو
avatar

تاريخ التسجيل : 01/01/2011

العمر : 27

الموقع : http://www.facebook.com/profile.php?id=100001991757156

مُساهمةموضوع: رد: ضد الفلاحين.. ع الفيس بوك!    الثلاثاء 19 أبريل 2011 - 0:02

MaI كتب:
ياه بجد على مستوى التفكير للناس دى
الفكره مش فكره مين اللى بيزرع وبيأكلنا الفكره انهم حتى لو مكانوش مفيدين فى المجتمع وملهومش اى لازمه
بأى حق حق يحكوموا كده ويهينوهم كده
الحكايه ان مينفعش نتعامل كده مينفعش كلنا زى بعض مع اختلاف ظروف كل منا
ومين منا مالوش اصول من الريف وده بجد فخر لينا كلنا
مش هافدر اقول غير انهم بتفكيرهم ده بجد صعبانين عليا
مناقشه وموضوع مهم جدا يا احمد تسلم



والله منورة بمرورك الكريم داية يا مي تسلمى يارب
بجد عندك حق فى كل كلامك حاجة غريبة وعقول مقفلة اللى يفكر كدة ربنا يرحمنا
مرة تانية تسلمى

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ELDeeb_Only
عضو
عضو
avatar

تاريخ التسجيل : 01/01/2011

العمر : 27

الموقع : http://www.facebook.com/profile.php?id=100001991757156

مُساهمةموضوع: رد: ضد الفلاحين.. ع الفيس بوك!    الثلاثاء 19 أبريل 2011 - 0:11

JASMEN كتب:
موضوع مهم جدااااااااا
بس بصراحه اول مره اقرا حاجه زي دي
وكمان الموضوع ده نرفزني جداااااااااا
بس فعلا دول ناس محتاجه علاج
لان الانسان المغرور او المتكبر او المتعالي
لازم يروح لدكتور نفسي
لانه بيكون محتاج علاج
وكمان تفكيرهم محدود جدااااا
وبعدين دي ناس بتاخد بالمظاهر
وناس مغروره جداااااااااااااا وناس تافهه اووووووووووووووي
(وان الله لايحب كل مختال فخور)

وبعدين لو مكنش الفلاح مهم في مصر
مكنوش عملوا نقابه جديده
لدعم الفلاح المصري
حيث قام رئيس الوزرا الجديد (عصام شرف )
بانشاء اول نقابه للفلاحين في مصر
يوم 14/4/2011
وكمان بيدعوهم الي الانضمام لهذه النقابه
لتشجيعهم ع تطويرالعمليه الزراعيه وتحقيق افضل عائد من المنتجات الزراعيه

لو مكنش مهم كانوا عملوا النقابه دي ليه ؟؟؟؟؟؟؟؟؟؟


عندك حق وتسلمى على الخبر .. وزى ما قوتى بالضبط
بس بلاش تنرفزى ازعلى بس
ومش بهزر لا انا اقصد انك تكون هادية فى تقبل مشاعر الاخرين ولو كانت خطا وبعد كدة ردى براحتك ...نصيحة اخوية واسف.

وتسلمى على المرور الكريمي ياسمن

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
JASMEN
كفراوي اصيل
كفراوي اصيل
avatar

تاريخ التسجيل : 10/11/2010


مُساهمةموضوع: رد: ضد الفلاحين.. ع الفيس بوك!    الثلاثاء 19 أبريل 2011 - 0:28

ميرسي كتير علي النصيحه دي
مشكلتي اني بتنرفز بسرعه
ومش بحب اي حاجه غلط
بس ان شاء الله هحاول
وهعمل بالنصيحه
ميرسي كتيييييير ليك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ضد الفلاحين.. ع الفيس بوك!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
كفراوي :: كلام كـبـــيـر :: فضفضه-
انتقل الى:  
المواضيع الأكثر نشاطاً
دعاء
ʂ₥ῖḼ϶ ツ
مود اعضاء كفراوي
صوره وتعليق
25 يناير.. لمن الكلمة اليوم؟
أشتغالااااااااااااات
ليك هنا رساله ملغومه واللبيب بالإشاره يفهم ...
اوجد الاختلافات بين الصورتين
انت لى!!!!!!!!!
انتصار الشعب التونسي .. والرئيس يغادر البلاد
أفضل 10 أعضاء في هذا الأسبوع
أفضل 10 أعضاء في هذا المنتدى
MaI - 2323
 
gege mosa - 2026
 
KoKY - 1883
 
remo nail - 1367
 
JASMEN - 1202
 
MiXoLoGY - 1038
 
abosherif - 452
 
HOoOoDA - 209
 
Nana Afify - 148
 
دودو951753 - 121
 
المواضيع الأخيرة
» أشتغالااااااااااااات
الخميس 21 يونيو 2012 - 19:00 من طرف DeroOo

» difference between thank you & thanks
الأربعاء 13 يونيو 2012 - 19:17 من طرف DeroOo

»  الفرق بين العشق والحب
الإثنين 11 يونيو 2012 - 20:36 من طرف DeroOo

»  احلى نكته
الإثنين 11 يونيو 2012 - 20:26 من طرف DeroOo

» الشهيد عاطف السادات
السبت 9 يونيو 2012 - 20:29 من طرف DeroOo

» دنيا سمير غانم تفرج عن صور خطوبتها
السبت 9 يونيو 2012 - 19:24 من طرف DeroOo

» تصويت بخصوص قسم للمشاكل
الأحد 3 يونيو 2012 - 13:42 من طرف DeroOo

» مود اعضاء كفراوي
الجمعة 1 يونيو 2012 - 12:40 من طرف DeroOo

» خمسين معلومة عن الرسول (صلى الله عليه وسلم)
الجمعة 1 يونيو 2012 - 12:38 من طرف DeroOo

» اعقاد غريبه شويه
الخميس 31 مايو 2012 - 18:49 من طرف HaLa ElGheriany