شباب قابلوا بالصدفة الراجل اللي كان واقف ورا عمر سليمان

من كام يوم فاتوا، اتفق مجموعة من الأصحاب إنهم يخرجوا مع بعض فى الويك
إند، وقرروا أنهم يروحوا يتعشوا فى (تيفولى دوم) فى مصر الجديدة. اليوم كان
ممكن يبقى عادى جداً والخروجة كانت هتبقى زى أى خروجة تانية. لولا إن
الأصحاب قابلوا فى طريقهم شخصية مميزة جداً. قابلوا أشهر راجل فى مصر فى
الوقت الحالى..

الراجل اللى ورا عمر سليمان!


بعكس المشاع إن المقدم أركان حرب حسين شريف بيعيش حالة نفسية سيئة بعد
الشهرة الواسعة اللى حققها على الفيس بوك والعدد الكبير من الصفحات
والجروبات اللى بتكلم عنه وصور الجرافيك المتركبة واللى بتظهر سيادته فى
أماكن ومواقف كوميدية مختلفة كلها تحت عنوان واحد “الراجل اللى ورا عمر
سليمان”. إلا إن الشباب اللى قابلوه اكتشفوا إن سيادته شخص ودود جداً وكانت
مفاجأة


ليهم إنهم لما راحوا يكلموه سلم عليهم بابتسامة وترحاب شديد، بل إنه وافق
على طلبهم إنهم يتصوروا معاه – أو عشان نبقى أكثر دقة – يتصوروا “وراه”
عشان يبقوا هما اللى واقفين ورا الراجل اللى ورا عمر سليمان!

الموضوع مش مهم اوي بس عجبني بصراحه عشان كده نزلته
الراجل شكله عسول خالص ياجماعه بس هو اللي ملامحه كده